Mmurumeele jw.org Okathi Woolaleerya: “Mukhale Mpatthani a Yehova”

Epantte eni: “Ensinos Bíblicos” ya jw.org, yookhalana opuro wa anamwane oni: “Mukhale Mpatthani a Yehova [ekunya]”. Epantte eyo yookhalana isipo, iviidiyu ni itthu sikina. Niireke mootoko orumeela epantte ela? Akhala wira munimusomiha namuyari orina anamwane acikhaani, xeeni ohimooniheryaka opuro owo? Eyo enoomwiiriha ophavela oweha ipantte sikina sa esaite ahu.

Okathi aakawa awe efolyeeto Ihapari Sooreera N.° 38, munna mmosa aahimphwanya muthiyana yoowo aapacenrye osoma efolyeeto eyo okathi ene yoowo. Owo aahikhalana anamwane nto awo yaaniphavela osuwela efolyeeto eyo. Mowaakuveya, munna ole aahitthokiherya efolyeeto ele ni aahooniherya esaite ahu epaaxina yookiserya. Okhala wira muthiyana ole aanisiveliwa ekeekhai, munna ole aahirumiha eviidiyu emosa ya Pedru omurumeelaka selulari awe.

Murokora mmosa aahivaanela ni muthiyana onivarana awe muteko orina anamwane acikhaani. Owo aahimuleela muthiyana ola wira esaite ahu yookhalana myaha sinikhaliherya imusi. Nto muthiyana ola aahivolowa va jw.org hoothe ni anaawe. Muhoolo mwaya, aahimuleela murokora wira anaawe yaaniipa nsipo “Prega a Palavra”, nenle na epantte eni: “Mukhale Mpatthani a Yehova”.

Mulimalele epantte ela ya jw.org, ni mbaxari iviidiyu, isipo, ni itthu sikina wira muhele muselulareni mwanyu wala tablet. Mwiira siiso, munoowerya omurumeela jw.org mwaalaleeryaka, ni orumeela ntoko epottha ya Apwiya!​—Mit. 20:19.