Elifazi:
Woonasa wene aari a oTemani elapo ya wEdomi. Yoolepa ya Yeremiya 49:7, enihimya wira oTemani waari muttetthe wa asuweli a wEdomi.
Nave owo aari ti muulupale ni oovuwa waavikana “apatthani” ootheene a Yobi, tivonto Elifazi aari awe oopacerya olavula. Owo aalavunle ikwaha tthaaru ni vowaatta waavikana ale akina anli.
Itthu Saamoothenrye awe Yobi:
Aahimunyohola Yobi mwaha wa ororomeleya wawe ni aahihimya wira Muluku khonaaroromela arumeyi awe. (Yob 4, 5)
Aahimuhimya Yobi okhala mutthu oowiikuxererya, ootakhala murima ni wira Yobi khaamoova Muluku. (Yob 15)
Aahimuhimya Yobi okhala namilili, oohixariya ni wira khaarina efaita ohoolo wa Muluku. (Yob 22)
Bildadi:
Aari a nloko na oXuwa. Woonasa wene aakhala muxerexere mwa Muro Eufrate.
Owo taari mutthu a nenli aalavunle. Aalavunle ikwaha tthaaru sookhuveya, masi ilavulelo sawe saari soowereya vanceene ovikana iye sa Elifazi.
Itthu Saamoothenrye awe Yobi:
Aahihimya wira anaawe Yobi yaahimutthekela Muluku tivonto yaaphwannye aya ehasara ele ni wira Yobi mwaneene khaarina efaita ohoolo wa Muluku. (Yob 8)
Aahihimya wira Yobi aanipaka itampi. (Yob 18)
Aahihimya wira ororomeleya wa apinaatamu khorina efaita. (Yob 25)
Sofari:
Aari a oNaama, woonasa wene aakhala mpantta onikhuma nsuwa wa wArabia.
Owo ti mulopwana a neeraru aalavunle ni aari ootepexa otakhala waavikana akhwaawe. Aalavunle ikwaha piili paahi.
Itthu Saamoothenrye awe Yobi: