MIHAKHU SINIKHUMA MBIIBILIYANI | YEREMIYA 44-48
Muttharuwe Wiiphavelela Itthu Suulupalexa
Barukhi woonasa wene aari musuweli aakhala vatthokoni va mwene. Nnaamwi owo aamurumeela Yehova ni aamukhaliherya Yeremiya moororomeleya, wookhala okathi aarina awe muupuwelelo woohiloka. Owo aahipacerya ‘wiiphavelela itthu suulupalexa’, woonasa wene okhulupale wala mireerelo sa werutthuni. Owo aatthuneya olokiherya muupuwelelo awe wira owerye woopowa okathi waarowa awe opwetexiwa Yerusalemu.