MAKHALELO A MAKRISTAU

Nirumeeleke Saana Iliivuru Sinnikhaliherya Wiixuttiha

Orumeeliwaka Biibiliya ni ebroxura wira olaleeriwe mulopwana

Waapaka awiixutti onlikana ni oteka enupa. Wira nivare muteko owo, nihaana wiixutta orumeela saana ikaruma sahu, vanceenexa, Biibiliya. Owo ti ekaruma ahu yuulupale. (2 Ti 2:15) Nave-tho nihaana orumeelaka saana iliivuru ni iviidiyu sinnikhaliherya wiixuttiha. Iyo sipakiwe wira sinikhaliheryeke waapaka awiixutti.a

Moota xeeni munrowa anyu orumeela saana Iliivuru Sinnikhaliherya Wiixuttiha? (1) Munvekele nikhaliheryo mutokweene oniweherya egrupu anyu ya muteko woolaleerya, (2) mulaleeryeke ni munna wala pioneero olimalenle olaleerya, ni (3) mukhaleleke nthiti orumeela iliivuru sahu. Tthiri, mwawerya orumeela saana iliivuru ni iviidiyu iya, munoohakalala vanceene ovara muteko wa waapaka awiixutti.

IREVISTA

IBROXURA

Munwiriyaneke Muluku Wira Mukhale Mahiku Otheene

Tani Anipaka Yootthuna ya Yehova Olelo-va?

ILIIVURU

IFOLYEETO

Niireke ehaavo esiiri ya etthoko yoohakalala?

Niireke Alipa-ookhwa Anootthikela-tho Okhala Akumi?

Ninrowa ophwanya woowi waakhuliwa wa makoho ootthuneya mookumini?

IVIIDIYU

Xeeni Vanitthuneya Anyu Omusoma Biibiliya?

IKONVITE

IKARTAU SA OLALEERYA

a Iliivuru sikina khasipakiwe wira nirumeeleke okathi wowiixuttiha. Masi sipakiwe yuupuweliwaka atthu a vameekhaaya. Iyo pooti orumeela okathi wooreerela.