Nlikanyiho na muSamariya Ooreera Murima

10:25-37

Yesu aahilavula nlikanyiho nla wira aakhule nikoho naahimya so: “Mukhw’aka t’ani?” (Luk 10:25-29) Yesu aanisuwela wira mmulokoni mwa eKristau yaamukhala “atthu” a maloko otheene, waahela muhina aSamariya ni Amalapo. (Yoh 12:32) Nlikanyiho nla ninniwiixuttiha atthareli awe wira ahaana wiimananiha vanceene wira awooniheryeke niphento atthu akina, nnaamwi atthu awo waaniheryasa ari ene a makhalelo oovirikana.

MWIIKOHEKE SO:

• ‘Kiniwoonela sai anna ni arokora a makhalelo makina?’

• ‘Kiireke kinimakela oviriha okathi munceene ni atthu ninlikana ahu makhalelo?’

• ‘Kinnaatthukulela murima anna ni arokora akina a makhalelo oovirikana?’ (2 aKor 6:13)

Tani kikhanle aka oomulattula wira . . .

• nilaleerye hoothe?

• orwe owannyaka wira nilye hoothe ni emusi aka?

• iirele mpantta omulompa Muluku vatthokoni ni emusi aka?