Mooniheryeke Othunku

Wooniherya othunku ontaphulela osuwela muupuwelo wa atthu akina, moonelo aya, waavaha efaita, ni mixankiho saya. Vakhala wira nnophavelaka waakhaliherya atthu akina, hiyo nnimooniherya wira ninniwoonela othunku. Vaavo ninwoonela ahu othunku atthu akina naalaleeryaka, nintakiha ophenta ni othokorerya wa Yehova. Nave eyo enniwiiriha atthu akina omwaattamela Yehova.—aFi 2:4.

Wooniherya othunku khahiyo enamuna ninrumeela ahu wira niixuttihe paahi. Masi nnoowerya wooniherya othunku okathi ninwiriyana ahu ni ephoole ni olavula mooreerela murima. Nto ninnooniherya othunku vaavo nnaathokorerya ahu atthu akina. Nivahaka efaita itthu sinaasivela, sookupali saya, ni makhalelo aya. Nave ninnaavaha malakiheryo oovareleya muteko ni waakhaliherya, masi khinnaakhanyererya wira apake marukunuxo. Vaavo atthu akina nnaalaleerya ahu aneemererya aya malakiheryo nnaavaha ahu, otteeliwa wahu murima mmutekoni woolaleerya onnincerereya.

NWEHE EVIIDIYU ENI: MPHWANYE OHAKALALA NI MUTEKO WOWAAPAKA AWIIXUTTI—NILOKIHERYEKE INAMUNA SAHU—MOONIHERYEKE OTHUNKU, NUUMALA-VO MWAAKHULEKE MAKOHO ALA ANITTHARELANA:

• 

  Moota xeeni Rita oonihenrye awe othunku nuumala Rosa ophiya okathi ovinre ene?

• 

  Moota xeeni Rita oonihenrye awe othunku nuumala Rosa ohimya wira aari ookhulumuwa ni khaarowa owerya osoma?

• 

  Moota xeeni Rita oonihenrye awe othunku nuumala Rosa ohimya wira khahiyo ootthokiheya?