Arokora, Muncererye Muteko Muninvarela Anyu Yehova

Arokora annivara muteko a efaita akhaliheryaka Omwene. (Esa 68:12) Awo anniiriha soosoma sa Biibiliya sinceene, nave mapioneero manceene ookilaatheya arokora. Ohiya-vo, imilyau sinceene sa arokora annirumeela ntoko mabetelita, mamisionaario, arumeyi owiivahererya a miteko sooteka ni muteko wootaphulela. Arokora arina waamini woolipa annilipiha itthoko saya ni muloko. (Mir 14:1) Nnaamwi arokora awo ahirumeelaka ntoko axitokweene ni arumeyi ookhaliherya, awo pooti okhalana soolukama sa omunepani. Vakhala wira nyuwo mwa murokora, itthu xeeni mukhanle anyu oopaka wira muncererye muteko muninvarela anyu Yehova?

• Mwiimananiheke olokiherya mikhalelo sanyu sa omunepani.—1 Ti 3:11; 1 Pe 3:3-6

• Mwaakhaliheryeke arokora akina a muloko anyu aahinsuwela itthu sinceene. —Tit 2:3-5

• Mmananiheke olokiherya inamuna sanyu soolaleerya ni muncereryeke okathi muniviriha anyu mulaleeryaka

• Mwiixutteke nttaava nikina

• Muthaameleke mapuro oothowa anamalaleerya

• Mmaleliheke olepa eformulaario wira mwaarumeeleke oBeteli aahiiso wira mwakhaliherye muteko wa oteka

• Mmaleliheke olepa eformulaario wira murowele Exikola ya Anamalaleerya a Omwene

NWEHE EVIIDIYU ENI: “ATHIYANA YAAWO ANIILIPIHA OVARA MUTEKO WA APWIYA”. NUUMALA-VO MWAAKHULEKE MAKOHO ALA ANITTHARELANA:

• Moota xeeni sowiiraneya sa arokora ala sinoolipihayani?