Mukhalaneke Soolukama Okathi wa Wuupuwelela

Khula mwaakha, arumeyi a Yehova onnaasivela wuupuwelela okhwa wa Yesu. Nihinatthi ophiya nave nuumala ophiya nihiku na wuupuwelela, ninniphavela okathi wira ninvuwihe ni omuxukhurela Yehova mwaha wa mukuttho wowoopola. (aEef 1:3, 7) Mwa ntakiheryo, nihinatthi ophiya nihiku nno ninnaalattula atthu anceene wira erowele wuupuwelela. Akina annipaka marukunuxo wira awerye orumeela ntoko pioneero ookhaliherya avahaka iwoora 30 aahiiso 50 mweeri wa Março wala Abril. Niireke mwaaniphavela wuncererya muteko anyu woolaleerya okathi wa wuupuwelela? Exeeni enrowa wookhaliheryani okhumela saana?

Hiyo nnoowerya okhumela saana vakhala wira nnompaka palano vahinatthi. (Mir 21:5) Okhala wira ohanle ophiya okathi wa wuupuwelela, nto nihaana opacerya wiilokiherya. Muthokorerye moota mukhanle anyu oowuncererya muteko anyu woolaleerya, okathi wa wuupuwelela ni muthokorerye moota mukhanle anyu omaleliha soolukama sanyu. Nuumala-vo munvekeleke Yehova wira okhaliherye wiimananiha wanyu. — 1 Yo 5:14, 15.

Niireke muhuupuwelela inamuna sikina mukhanle anyu oorumeela wira muncererye muteko anyu woolaleerya okathi wa wuupuwelela?