Watchtower EBIBLIOTEKA ONLAINE

Munnivaha Efaita Okumi Ntoko Muluku Onivaha Awe?

‘Mukhaleke Mophentani Mwa Muluku’
- 5, 6. Nlamulo na Moise nooniherya sai wira ephome ti yootthuneya wa Muluku? (Nwehe-tho ekaaxa eri “Muttittimiheke Okumi wa Inama.”)
  
  ⁵ Nlamulo na Moise ninnooniherya malakiheryo manli maalupale. Eliivuru ya Onamukuttho 17:10, 11 enihimya so: “Akhalá mutthu . . . onkhura ephome, kinonviruwela, kinomukumiha munlokoni mwawe. Tthiri ekumi ya khula enama enikhala mphomeni mwaya: tivó vorumalyakani wira mmwarexele ephome v’altari, wira muleveleliwe itampi sanyu; mana ephome ekumi enttipiha etampi”.a—Nwehe ekaaxa eni “Owerya Orina Ephome wa Ottipiha Itampi.”
  
  OWERYA ORINA AYA EPHOME WA OTTIPIHA ITAMPI
  
  Nuulumo na Muluku ninnivaha efaita ephome mwa enamuna emosaru enivaha aya ekumi. Khalai wIsarayeli, mutthu aattheka mwaha wotthekela sooruma sa Yehova masi khuttharuwa, khaalamuliwa, masi aarummwa onvaha Muluku mukuttho wa inama valtari. (Onamukuttho 4:27-31) Mukuttho owo waanittipiha itampi masi mwa okathi vakhaani paahi.
  
  Nuulumo ninrumeeliwa mBiibiliyani noowi “ottipiha”, nirina muupuwelelo wa “waakakhana” aahiiso “okhuneela”, ntoko siisaale mukhuneelo woophwanelela onikhuneela awe saana mwaapu. Tthiri, khuuvo mukuttho wa inama aarowa owerya “okhuneela” oratteene aahiiso ottipiha moomalela itampi sa pinaatamu. Masi, mukuttho wa inama waari ethoonyeryo ya mukuttho waarowa ottipiha itampi moomalela, yoowo waarowa orwa muhoolo.—aHéberi 10:1, 4.
  
  Ottipiha itampi iwo waaweryanen’ye orweela wa “mukuttho w’erutthu ya Yesu Kristu, oìvaherenrye omosa pahi wa mahiku othene”. (aHéberi 10:10) Okumi woohittheka wa Kristu, yoowo wathoonyeriwa ni ephome awe ‘yorerexa, ntoko ya mwapwittipwitthi òhirakala ni òhinanara’, onnilikanela oratteene okumi yoole Adamu apweteiwale aya. (1 Pedru 1:19) Mmukhalelo wooreerexa ni woophenta, Yehova oopaka itthu mwa xariya wira niphwanye ‘wòpoliwa wahu wa mahiku othene’.—aHéberi 9:11, 12; Yohani 3:16; Wisupulula 7:14.

Munnivaha Efaita Okumi Ntoko Muluku Onivaha Awe?

‘Mukhaleke Mophentani Mwa Muluku’
- a Voohimya sa moolumo a Muluku oowi “ekumi ya khula enama enikhala mphomeni mwaya”, exornaale Scientific American ehimmye so: “Nnaamwi varya ene ekeekhai wira ephome pooti olavuliwaka ntoko nlikanyiho wala ethoonyeryo ya ekumi, masu awo khahiyo nthoonyeryo, okhala wira khuta muthinto wa iseelula sa ephome ti wootthuneya wira ekhale ekumi”.