Eprofesia eyo tiila: “Ola va, murumeyi aka omuthanlalyaka. Ola t’ule onimphentexaka, yowo kinimurerelaka murima! Miyo kinohela eroho [munepa] aka mwa yowo: van’owo onolalèrya exariya maloko othene. Owo khanrowa ovanyihana ni mutthu nnákhala onyakulihana: khavo onrowa wiwa nsu nawe mmawani. Owo khanrowa osinsa mutathi wowunteya: khanrowa ottipiha ntthampo nintthuwa mwixi. Owo onimwira siso mpakha omaleliha exariya. Vano, atthu a maloko othene anororomela nsina nawe”.​—Matheyo 12:18-21; Yesaya 42:1-4.

Anitaphulela exeeni masu oowi: “Owo khanrowa ovanyihana ni mutthu nnákhala onyakulihana: khavo onrowa wiwa nsu nawe mmawani”? Vaavo aapenuxa awe atthu, aahiiso oomola awe malaikha ootakhala, Yesu khaawemererya ‘omoneleliha’. (Marko 3:12) Yesu khaaphavela wira atthu ale alaleyeke itthu aapanke awe aahiiso ohimya itthu soohikhalela.