Niireke Nuulumo na Muluku Nookhalana Owerya Mweekumini Mwanyu?

Omusoma Biibiliya khula nihiku onoonikhaliherya ‘wixeriha mitathari sahu’ ni ‘olipiherya wamini’. (aKol. 2: 6, 7) Masi wira Nuulumo na Yehova nivare muteko mweekumini mwahu, nihaana wuupuwelela ni ovarihela muteko ele enisoma ahu. (aHéb. 4:12; Yak. 1:22-25) Yoxuwa 1:8 onnihimya mavalo mararu oovareleya muteko okathi onimusoma ahu Biibiliya: (1) Mmusomeke “othana n’uhiyu”. (2) “Mutthokeleleke” ele enisoma anyu, eyo enimookhaliheryani wuupuwelela ni omananiha woona makhalelo ni opuro itthu iyo sinihimmwa saakhumelela aya. (3) “Mwetteleke orattene sothene sinrumaya”. Tthiri ottharihela mavalo ala onoonikhaliherya ‘oreriwa’ ni ‘ohojela miteko sahu’.