Exeeni Ekhanle Ihapari Sooreera?

1. Ihapari xeeni sinikhuma wa Muluku?

Muluku oniphavela wira atthu ahakalaleke valaponi. Owo oopattuxa itthu sotheene mwaha wowaaphenta apinaatamu. Moohipisa, owo onrowa oreeriha itthu ni waavaha okumi wooloka atthu a khula elapo. Onoomaliha mixankiho saya sotheene.​—Mmusome Yeremiya 29:11.

Khiivo ekuvernu ewenrye omaliha iretta, ohaaxana ni okhwa. Masi sihaavo ihapari sooreera. Moohipisa, ekuvernu ya Muluku enrowa orantteliha ikuvernu sa apinaatamu. Atthu a ekuvernu ya Muluku, anrowa okhalana murettele ni ekumi yooloka.​—Mmusome Yesaya 25:8; 33:24; Daniyeli 2:44.

2. Xeeni ihapari sooreera siri aya sootepa otthuneya?

Muluku aapwetexaru atakhali valaponi, ohaawa onoomala. (Sofoniya 2:3) Nto eyo enrowa wiiraneya silini? Biibiliya aahihimya vahinatthi itthu seiyo vano siniwiiraneela apinaatamu. Itthu siniiraneya vano, sinooniherya wira moohipisa Muluku onoomala-maliha.​—Mmusome 2 Timótheyo 3:1-5.

3. Nto nipake exeeni?

Nimurumeeleke Biibiliya wira nisuwele otthuna wa Muluku. Biibiliya ori ntoko epaphelo elepeliwe ahu ni tiithi oophenta. Onninleela moota woweetta saana vano, ni moota woophwanya okumi woohimala muhoolo. Ekeekhai wira akina khaniphavela wira mukhaliheriwe omwiiwexexa Biibiliya. Masi khivanireerela oyeleela mireerelo suulupale sa okumi woohimala.​—Musome Miruku 29:25; Wisupulula 14:6, 7.