“Yeyo Muluku Ephitanyalyawe . . . ”

Nlamulo na Muluku khalai, naahimya wira mulopwana aamuhiya mwaarawe, aahaana opaka epaphelo yoomwalana. Yoolakela aya, waari ohipaka yoothanla ya omwalana mowaakuveya. Masi, okathi wa Yesu, ahooleli a itiini yaahiiriha omwalana okhala etthu yookhweya. Alopwana yaanimwalana ni axaaraya voohinthowa. (“epaphelo y’omwalana” enoota yoosoma ya Mar 10:4, nwtsty; “onimwalana ni mwar’awe”, “onnimuraruwela mwar’awe ole òpajerya” inoota soosoma sa Mar 10:11, nwtsty) Masi Yesu, aahooniherya wira Yehova topacerinhe ni weemererya ekasamento. Nto anamathelana ahaana okhala “mutthu mmosá”, ni ohimwalana. Moovarihana ni Evangelyo ya Marko, Biibiliya onneemya omwalana akhala wira mmosa a anamathelana awo “oraruwa”.​—Mat 19:9, Biblia Solempwa sa Muluku.

Olelo-va, anamunceene khanoonela ekasamento ntoko Yesu. Masi anaatakiha aFarisi. Moota xeeni? Vaavo sinikhumelela aya mixankiho, awo annaakuvela omwalana. Masi, anamathelana maKristau, annoonela ekasamento okhala etthu ehinimala. Nto annimananiha ophuka mixankiho saya amurumeelaka Biibiliya. Nuumala oweha eviidiyu eni: Ophenta ni Nttittimiho Onnilipiha Imusi, mwaakhule makoho ala:

• 

  Munrowa orumeela sai yoolepa ya Miruku 15:1 mukasamentoni mwanyu? Ni xeeni vari aya vootthuneya opaka eyo?

• Yoolepa ya Miruku 19:11 enrowa wookhaliheryani sai osyaka mixankiho?

• Akhala wira ekasamento anyu ehanle omala, ohiya wuupuwela ‘omwalana’, makoho xeeni anireerela anyu othokorerya?

• Matheyo 7:12, onrowa wookhaliheryani sai okhala mulopwana oothela wala muthiyana ootheliwa ooloka?