Yesu Aahikhwa Wira Omoopole-tho Munninyu

Yesu oovaha ekumi awe mwaha wa atthu oohimalela. (aRo 5:8) Tthiri ninnimuxukhurela Yesu mwaha wa oniphenta mpakha ovaha ekumi awe wira onoopole. Masi, ikwaha sikina ninnitthuneya ohiliyala wira Kristu aahikhwa wira omoopole-tho munnihu. Ninrowa owooniherya sai ophenta wa eKristau anna ni arokora yaawo ari oohimalela sintoko hiyo? Sookhala inamuna tthaaru. Yoopacerya, nihaana wiimananiha opaka opatthani ni anna waahela muhina ale a mahuweliwo makina. (aRo 15:7; 2 aKor 6:12, 13) Yanenli, nihaana osyaka ohimya wala opaka etthu yaarowa waanyoonyiha anna akina. (aRo 14:13-15) Yookiserya, vakhala wira nootthekeliwa, nihaana olevelela mowaakuveya. (Luk 17:3, 4; 23:34) Naimananiha omutakiha Yesu mwa inamuna iya, Yehova onoovikanihaka oreeliha muloko ni murettele vamosa ni wiiraana.

NWEHE EVIIDIYU ENI MWAAWEHEKE ANNA NI AROKORA NI MOONELO WOOLOKA!, NUUMALA-VO MWAAKHULEKE MAKOHO ALA ANITTHARELANA:

• 

  Woopaceryani Miki aawoonela sai anna a muloko awe?

• 

  Exeeni yaamwiirinhe orukunuxa moonelo awe?

• 

  Ntakiheryo na Yesu naamukhalihenrye sai Miki olokiherya moonelo awe? (Mar 14:38)

• 

  Miruku 19:11 onnikhaliherya sai waaweha ni moonelo wooloka maKristau akhwiihu?