Ophenta Onnaasuwanyeiha MaKristau Eekeekhai​—Musyake Nrima ni Waakuva Otthekeleya

OTTHUNEYA WAYA: Yesu aahihimya wira ophenta ti waarowa waasuwanyeiha atthareli awe. (Yoh 13:34, 35) Wira nooniherye ophenta sintoko wa Kristu, nihaana waathokorerya akhwiihu ni ohaakuva otthekeleya.​—1 aKor 13:5.

MOOTA WOOPAKA EYO:

• Okathi muntthekeliwa anyu wala wiireliwa etthu yoowereya, muhaana wuupuwela etthu yiirinhe okhumelela muxankiho owo, ni itthu sikhanle ookhumelela vakhala wira munooviruwa.​—Mir 19:11

• Muhiliyale wira otheene ahu na atthu oohimalela, nto okathi mukina ninnipaka etthu enniiriha othanana muhoolo

• Muhipiseke ophuka mixankiho

NWEHE EVIIDIYU ENI: “NYUWO MUHANA OPHENTANA”​—MUSYAKE NRIMA NI WAAKUVA OTTHEKELEYA, NUUMALA-VO MWAAKHULEKE MAKOHO ALA ANITTHARELANA:

• Munna Lázaro oonenle sai masu a munna Hassane?

• Wuupuwelela saana waamukhalihenrye sai munna Hassane ohaakuva otthekeleya?

• Wiiyeviha waamukhalihenrye sai munna Hassane ohipaka etthu yoohiloka?