Ireferensia sa Okumi ni Orummwa Ahu Ekaderno Enirumeeliwa Omuthukumanoni ya Dezembro
3-9 YA DEZEMBRO
MIHAKHU SINIKHUMA MBIIBILIYANI | MITEKO 9-11
“Namalupattha Muulupale Aahikhala Namoona Ooluttuweliwa”
Muloko wa eKristau ‘wakhala ni murettele’
Atthu ootakhala murima yanaattamela oDamaasiko, weiwo yaaphavela aya ommaliherya palano aya ootakhala. Awo yaarowa waavara mmawannyaya arummwa a Yesu, waatthukwa, waaramusa ni waaroiha oYerusalemu wira yaphukeliwe ni eSineedrio.
2 Muhooleli a anamalupattha awo yoowo aihaniwa Saulo, khahiyo ampacerya waalupattha maKristau. Okathi vakhaani waavinre, owo aahaaweha axaapara awe envonyakasaka maluku Siteefano mpakha omwiiva. (Mit. 7:57–8:1) Okhala wira khaahakalanle mwaha wa waalupattha paahi atthareli a Yesu a oYerusalemu, Saulo aalikana ni muthuko, ni aanuulaanya olupattha iwe oYerusalemu wotheene. Owo aaphavela omaliha etiini yoothanyeya yeeyo yaasuweliwa okhala “Ephiro”.—Mit. 9:1, 2; 19:9; nwehe ekwaaturu “Okhulupale wa Saulo oDamaasiko”, epaaxina 61.
Mmuxukhureleke Yehova, Yoowo Onnuupa
4 Yehova khoniwoonela apinaatamu ntoko hiyo nniwoonela ahu. Owo oniweha murima, eyo piiyo, mutthu a vamurimani. (Mmusome 1 Samuweli 16:7b.) Eyo ti etthu yiiraneyale eseekulu yoopacerya, okathi waakhumelenle aya muloko wa eKristau. Aahaathanla atthu wira amurumeeleke yena ni Mwanawe, akina a yaawo woonasa wene yooneliwa ohikhala a faita. (Yoh. 6:44) Mutthu mmosa ti Saulo, yoowo ‘anveha [Muluku], olupattha ni ohaaxa’ muloko wa eKristau. (1 Tim. 1:13) Masi Yehova, yoowo oniweha mirima, khaanweha Saulo ntoko oloko woohiloka. (Mir. 17:3) Ohiya-vo, Muluku aaninweha wira vanweryaneya omuupa, khukhala wooloka, maana Yehova aahimuthanla wira alaleye ekeekhai “oholo w’amalapo ni mamwene n’atthu a Isarayeli”. (Mit. 9:15) Atthu akina Muluku aawoonela awe okhala ntoko mwaapu wooloka, yaahela muhina yaale khalai yaari anamuhapaliwa, anamararuwa, ni anawiiye. (aRom. 9:21; 1 aKor. 6:9-11) Vaavo vaatepa aya wiixutta Nuulumo na Muluku, yaanilipiha omwaamini waya Yehova ni yaanimweemererya owuupa.
Muloko wa eKristau ‘waakhala ni murettele’
15 Nkuupuwelani moota atthu yaatikinihinwe aya, ni onanariwa okathi yanwenhe aya Saulo olaleeryaka muSinagoga voohimya sa Yesu Awo yaahikohana ehimyaka so: “Ola khahí yole àlupattha oYerusalemu atthu anromola nsina na Yesu?” (Mit. 9:21) Okathi aatthokiherya awe nthowa naya aarukununxe awe moonelo awe voohimya sa Yesu, Saulo ‘aanaathoonyerya atthu wira Yesu ti Mòpoli’ wala Kristu’. (Mit. 9:22) Ekeekhai wira waathoonyerya paahi khiwaawiiriha atthu othene otthukula miyuupuwelo saya, soolema ni okhala oowiyeviha. Masi hata vari siiso, Saulo aahivikaniha olaleya.
Otokosa Itthu sa Efaita Soomunepani
Muloko wa eKristau ‘waakhala ni murettele’
5 Okathi Yesu aalavunle awe ni Saulo ephiro ya oDamaasiko, Owo khaamukonhe wira: “Munaalupatthela-ni atthareli aka?” Sintoko onihimya awe Biibiliya, Yesu aamukonhe so: “Munkilupatthela-ni?” (Mit. 9:4) Eyo enooniherya wira Yesu onnoona owereya okathi arumeyi awe anlupatthiwa aya ni ohaaxiwa.— Mat. 25:34-40, 45
6 Akhala wira munnihaaxiwa mwaha wa omwaamini Kristu, mukupalixa wira Yehova ni Yesu annoona mixankiho sinoophwanyani. (Mat. 10:22, 28-31) Ikwaha sikina mixankiho sanyu pooti ohimalamalihiwa mowaakuveya. Masi muhiliyale wira Yesu aahisuwela wira Saulo aahiirela mpantta wiiviwa wa Siteefano ni aahaavara maKristau oororomeleya oYerusalemu. (Mit. 8:3) Hata vari siiso, Yesu khaapanke etthu okathi ene yoole. Nto, Yehova omurumeelaka Kristu, aahinvaha ikuru Siteefano ni atthareli akina wira evikanihe okhala oororomeleya.
nwtsty enoota yoosoma ya Mit 10:6
Simoni Nasapala: Mulipa aapera esapala ya axinama aarumeela mirette sikina saapakiwa, wira vakhweyeke okumiha ethai wala egordura ya mwaaxinama owo. Nuumala-vo, owo aanihela murette esapala eyo wira yapakeliweke itthu sikina. Muteko wa opera isapala waanithanyiwa vanceene ni waatthuneya maasi manceene, ti maana aya waaniheryasa Simoni aamanke awe mukerekhere mwa ephareya, woonasa wene oYope. Moovarihana ni nlamulo na Moise, mutthu aapera isapala, aanithokoreriwa okhala mutthu a mwiikho. (Ona 5:2; 11:39) Ti maana aya aYuda anceene yaathokorerya aya anasapala okhala atthu oothanyeya ni yahaaphavela aya okhala naawo. Eliivuru eniitthaniwa Talmude muhoolo mwaya yaahihimya wira opera isapala waari muteko woothanyeya ovikana wuukela mavi aaxinama. Masi Pedru kheemerenrye wira nthalu nimwiirihe ohimwaattamela Simoni. Moonelo wooloka wa Pedru waahimukhaliherya ovara muteko wootthuneya aarowa awe othanleliwa muhoolo, eyo piiyo, olaleerya itthoko sa amalapo. Asomi akina anihimya wira nuulumo na eGriki noowi “nasapala” (byr·seusʹ) naari nsina na apapawe aahiiso atatawe Simoni.
Omusoma Biibiliya
10-16 ya Dezembro
MIHAKHU SINIKHUMA MBIIBILIYANI | MITEKO 12-14
“Baarnaba ni Paulo Yaahaapaka Awiixutti Ilapo Soorakamela”
“Yanisareya Eroho Yowarya, N’utteliwa Murima”
4 Masi xeeni munepa wootteela waamuthanlale aya Paulo ni Baarnaba wira “yavare muteko”? (Mit 13:2) Biibiliya khonihimya nthowa naya. Masi ninsuwela ahu ti yoowi munepa wootteela ti waathanlale alopwana awo. Nuulumo na Muluku khaninhimya wira awiixuttihi ni maprofeta a wAntiyokiya yaahivaanyiha yoothanla eyo. Ohiya-vo, awo yaahikhaliherya yoothanleliwa eyo. Tthiri Baarnaba ni Saulo yaahixukhurela vanceene vaavo axinnaya, voohikhalana nrima nuumala ‘olompa n’utthukwa, yawixathenrye aya matata, khwahiya erowasaka”. (Mit 13:3) Nave-tho hiyo nihaana waakhaliheryaka anna ni arokora anilattuliwa okela muteko wa Muluku ohela muhina axitokweene a mmulokoni. Ohiya waakhalela nrima mwaha wa iparakha iyo, nihaana waattittimihaka “vanjene ni waphenta mwaha wa muteko onvaraya’.—1 aTe. 5:13.
Awo ‘Yahilaleya Masu ni Wilipiha, Emuroromelaka Muluku’
5 Woopaceryani, Paulo ni Baarnaba yaaheemela wIkonio, epooma yeettela soolema sa aGriki. Eyo yaari epooma emosa-emosa yuulupale ya eprovinsia ya oRoma ya oGalasia. Epooma eyo yaahikhala aYuda anceene ni atthu anceene yaakenle eYuda othana-thanaru. Sintoko yaalimalenle aya, Paulo ni Baarnaba yaahikela musinagoga ni yaahipacerya olaleerya. (Mit. 13:5, 14) Awosa yaahilaleya ni “molumo òkuxa murima: siso aYuda anjene n’akina anjene yahakhanle aYuda, yahamini”.—Mit. 14:1.
Nimurumeele Muluku Moororomeleya Hata Nihaawaka Vanceene
4 Nuumala oxekurya muttetthe wa oDerbe, Paulo ni Baarnaba “yahihokolowela oListra ni wIkonio ni wAntiyokiya w’oPisidia. Awo yanalipiha eroho ale yamini, yanatumererya wira ekhaleleke nthiti wettela wamini waya, yahimeryaka wira: ‘Hiyo nihana ovira mohawani munjene, wira nikele momweneni mwa Muluku’”. (Mit. 14:21, 22) Wanipacerya nyuwo pooti ohiiwexexa masu ala. Ohiya-vo, waaleela wira yaarowa “ovira mohawani munjene” waarowa waakhulumula ohiya waalipiha anna ale. Vaniweryaneya sai ohimmwaka wira Paulo ni Baarnaba “yanalipiha” awiixutti ariki yaaleela wira wamwaakhumelela ohaawa wunceene?
5 Nnoowerya ophwanya waakhuliwa wa nikoho nlo vakhala wira nnoovarerya saana masu a Paulo. Owo khaahimmye wira: “Hiyo nihaana ovilela ohaawa wunceene” paahi. Ohiya-vo owo aahimmye so: “Hiyo nihana ovira mohawani munjene, wira nikele momweneni mwa Muluku”. Tthiri Paulo aahaalipiha awiixutti ale mwaha woottittimiherya yookhumelela yooloka ya okhala oororomeleya. Etthuvo ele yaari etthu ya ekeekhai. Maana Yesu aahihimya wira: “Nto, ole onrowa ovilela mpakha omaliherya, onimòpowa”.—Math. 10:22.
Otokosa Itthu sa Efaita Soomunepani
w08 15/5 32 etti. 7
Iponto Suulupale sa Eliivuru ya Miteko
12:21-23; 14:14-18. Herodi aaheemya waakhela ovuwa weiwo paahi aaphwanela awe ovahiwa Muluku. Moovirikana nuuwo, murummwa Paulo ni Baarnaba mowaakuveya yaahikhootta ovuwihiwa! Nihaana okhootta ovuwihiwa mwaha wa miteko nninvarela ahu Yehova.
nwtsty inoota soosoma sa Mit 13:9
Saulo, aihaniwa-tho Paulo: Okhuma vaavo, Saulo aaniitthaneliwa nsina na Paulo. Murummwa Paulo aayariwe ni aHeeberi yaawo-tho yaari aRoma. (Mit 22:27, 28; aFi 3:5) Ti maana aya okhuma enamwane awe aitthaneliwa awe masina manli, nimosa na eHeeberi, Saulo ni nikina na eRoma, Paulo. Yoolema eyo yaahuulaana vanceene, nto aYuda anceene yaakhala ilapo sikina ohiya oYerusalemu, yaanikhalana masina manli. (Mit 12:12; 13:1) Amusi awe akina yaarina masina manli, nimosa na eRoma nikina na eGriki. (aRo 16:7, 21) Sintoko mutthu aathanliwe wira aalaleerye amalapo, Paulo aahivahiwa muritti wa waalaleerya atthu yahaakhanle aYuda. (aRo 11:13) Waaniheryasa Paulo waamusivela wiitthaneliwaka nsina nawe na oRoma, woonasa wene wira amalapo awo yaamini ihapari aalaleya awe. (Mit 9:15; aGa 2:7, 8) Atthu akina anihimya wira owo aathanlale nsina nlo, moophavela omusiveliha Sérgio Paulo. Masi vanikhala wira eyo khahiyo ekeekhai maana Paulo aathanlale nsina nlo ohinatthi okhuma oChipre. Akina anihimya wira Paulo khivaamusivela orumeela nsina nawe na eHeeberi mwaha woowi moota ninromoliwa aya mwa nttaava na eGriki nintaphulela mutthu (wala mwaamunama) oniixinnuuha okathi oneetta awe.—Nwehe enoota yoosoma ya Mit 7:58.
Paulo: Mwa Soolempwa sa eGriki sa eKristau, nsina noowi Pauʹlos ninkhuma elavulelo ya Elatim yoowi Paulus. Nintaphulela so: “Yooyeva; Yaamukhaani”. Nlo noorumeeliwa ikwaha 157 vaavo aahimmwa awe murummwa Paulo ni ekwaha mmosa ohimmwaka guvernatoro a elapo ya oKípero, Sérgio Paulo.—Mit 13:7.
Omusoma Biibiliya
17-23 ya Dezembro
MIHAKHU SINIKHUMA MBIIBILIYANI | MITEKO 15-16
“Yoothanla Yuulupale Yeeyo Yaapakiwe Nirumeeliwaka Nuulumo na Muluku”
‘Wahikhumelela Ovanyihana Wulupale’
8 Luka aahivikaniha ohimyaka so: “Paulo ni Bárnaba yahavanya, [alopwana akina] khukhumelela ovanyihana wulupale. Numalá, [axitokweene] yahìwanana wira Paulo ni Bárnaba n’atthu akina a weiwo erowé oYerusalemu, ovanela n’arummwa ni mahumu mwaha w’etthu ila yavanyihaniwa”. (Miteko 15:2) Ohiiwanana iwe ni “ovanyihana” waakhumelela eriyari ya igrupu iyo piili, waari wuulupale, nto muloko wa wAntiyokiya khiwaawenrye ophuka. Wira ovikanihe okhala murettele mmulokoni, mwa miruku muloko waahipaka mareheryo wira mwaha ole oroihiwe wa arummwa “oYerusalemu” yaawo yiirela mpantta nikhuuru noolamulela. Exeeni ninniixuttiha aya ntakiheryo na axitokweene a wAntiyokiya?
w12 15/1 5 itti. 6-7
Makristau Eekeekhai Annittittimiha Nuulumo na Muluku
6 Yoolepa yaakhalihenrye ophuka mwaha owo ti Amosi 9:11, 12. Miteko 15:16, 17, onihimya so: “Numalá itthu iya, miyo kinotthika, wira kemexe-tho etthoko ya Davidi yamonre; kinolokiherya mpwexakaseiye, kinimwemexa-tho, wira atthu akina othene, yaphaveleke Apwiya, eyo p’iyo, atthu a maloko othene, kiwihanalyaka wira ekhalé awaka. T’iya sinihimyaya Apwiya [Yehova]”.
7 Masi waanyiheryasa atthu akina pooti ohimyaka wira soolepa iyo khasinihimya wira khivaatthuneya owunnuwiha amalapo oowaamini. Eyo ekeekhai, maKristau aYuda yanwerya wiiwexexa mwaha owo. Awo khiyathokorerya atthu oohinnuwihiwa a maloko makina sintoko amalapo, masi yaathokorerya sintoko axinnaya. (Okhu. 12:48, 49) Mwa ntakiheryo, Biibiliya Septuaginta eversau ya Bagster, yoolepa ya Estheri 8:17 enihimya so: “Amalapo anceene yaahinnuwihiwa ni yaahiikhaliha aYuda”. Nave Nuulumo na Muluku naahooniherya saana mwaha owo vaavo naaleihenrye aya wira atthu a etthoko ya wIsarayeli yaarowa okhala (aYuda, ni atthu yaakenle eYuda othana-thanaru,) vamosa ni atthu a maloko othene”. (amalapo oowunnuwihiwa) yaamukhala nloko nimosa paahi wira yiitthaneliweke nsina na Muluku. Nto amalapo yaawo yaaphavela okhala maKristau, khiyaatthuneya wunnuwihiwa.
“Miloko Saanilipa”
18 Paulo ni Timootheyo yaahivara muteko hoothe mwa iyaakha sinceene. Sintoko arummwa ooweetteetta, awosa yahaakhwaniherya soothanleliwa sinceene, sintoko anamihupi a nikhuuru noolamulela. Biibiliya onihimya wira “Mittetthe saviraya, yanalèla aKristu ikano savahalyaya arummwa ni mahumu òYerusalemu, yanatumererya wira yiwelele soruma iyo”. (Mit 16:4) Vanooneya wira miloko saanitthara malakiheryo a arummwa ni axitokweene a oYerusalemu. Vaavo miloko iyo saiwelela aya, saanivikaniha okhala soolipa nto “atthu òwamini yaninjerereya nihiku ti níhiku”.—Miteko 16:5.
Otokosa Itthu sa Efaita Soomunepani
w12 15/1 10 etti. 8
Mwiixutte Okhala Oowehaweha ni Arummwa a Yesu
8 Exeeni enniixuttiha aya yowiiraneya ela? Nwehe wira munepa wootteela wa Muluku waapacenrye paahi okhaliherya mowooneya nuumala Paulo orowa wAsia. Paahi nuumala Paulo waattamela oBitinia, Yesu taaisoonihenrye awe. Wanikisa waya nuumala Paulo ophiya oTrowade, Yesu aahimuruma orowa oMacedonia. Sintoko muhooleli a Muloko, waaniheryasa Yesu onninithokorerya mwa enamuna eyo. (aKol. 1:18) Mwa ntakiheryo, waaniheryasa munnuupuwela okhala pioneero wala othaamela muttetthe woothowa anamalaleerya. Masi Yesu woonasa wene onnithanla wookhaliheryani paahi nuumala nyuwo opacerya wiimananiha wira mwaakhwaniherye yoolukama eyo. Nitakiherye so: Mulipa oneettiha ekaaro, paahi oniwerya oroiha ekaaro moono woolopwana wala woothiyana akhala wira ekaaro eyo enneetta. Moolikanasa, voohimya sa wuncererya muteko ahu woolaleerya, waaniheryasa Yesu onrowa onikhaliherya vakhala wira paahi ninniimananiha waakhwaniherya soolukama sahu.
nwtsty enoota yoosoma ya Mit 16:37
Hiyo n’àRoma: Eyo piiyo mutthu oyariwe oRoma. Paulo ni woonasa wene Sila, yaari aRoma. Nlamulo na oRoma naahimya wira aRoma yaahikhalana ehaakhi ya ophukeliwa mapuro yaaphukiwa milattu, ni khiyakhanle oohukhummwa vaatthuni ehinatthi ovareriwa ni wooniwa wira aattheka tthiri. Okhala muRoma waanimphwanyiha mutthu idireito ni iparakha mapuro otheene a olamulelo wa oRoma. Ole aari muRoma, aiwelela malamulo a oRoma, ohiya malamulo a ipooma saalamuleliwa ni aRoma. Vaavo mutthu aakhalana awe mulattu, aaneemya ophukeliwa moovarihana ni malamulo a muttetthe owo. Masi aanikhalana ehakhi ya owiriyaniwa ni etribunaali ya oRoma. Akhala wira aaphwanela wiiviwa, owo aanikhalana ehakhi yoovekela ophukeliwa ni namalamulela a oRoma. Murummwa Paulo aahilaleerya mittetthe saalamuleliwa ni aRoma. Aahirumeela ehakhi awe yookhala muRoma mwa ikwaha tthaaru: Yoopacerya, aahaaleela makhulupale ooFilipi wira khiyaattittiminhe ehakhi awe yookhala muRoma maana yaahimmana.—Wira musuwele ikwaha sikina piili, nwehe enoota yoosoma ya Mit 22:25; 25:11.
Omusoma Biibiliya
24-30 ya Dezembro
MIHAKHU SINIKHUMA MBIIBILIYANI | MITEKO 17-18
“Mmutakiheke Murummwa Paulo, Mulaleeryeke ni Mwiixuttiheke”
nwtsty inoota soosoma sa Mit 17:2, 3
alavulanaka: Khahiyo paahi Paulo aalalenrye ihapari sooreera. Owo aahaatthokiherya itthu ni aniwooniherya Soolempwa sa Muluku, seiyo saari Soolempwa sa eHeeberi. Ohiya osoma paahi soolempwa iyo, Paulo aahilokiherya inamuna soovaanela saavarihana ni makhalelo a atthu yanwiriyana. Nuulumo na eGriki noowi, di·a·leʹgo pooti otaphulela ntoko: “ovahereryana moolumo, ovaanela, olavulihana”. Eyo enithoonyerya ovaanela oniiraneya eriyari ya atthu. Nave nuulumo nimosaru noorumeeliwa yoolepa ya Mit 17:17; 18:4, 19; 19:8, 9; 20:7, 9.
àthonyeryaka: Nuulumo nla mwa nttaava na eGriki nintaphulela “okumiherya ota (opweha opuro mukina)” Eyo enooniherya wira Paulo aanilikanyiherya ni ephoole iprofesia saamuhimya Mesiya seiyo siri Soolempwa sa eHéberi, ni itthu saakhumelenle mookumini mwa Yesu, yooniheryaka wira Yesu ahaakhwaniherya iprofesia iyo.
nwtsty enoota yoosoma ya Mit 17:17, Tradução do Novo Mundo
mapuro iiriwa nakoso: Emerkaado ya wAthena yaaphwanyaneya okuusini wa elapo ya Acrópole. (eGriki, a·go·raʹ), munnuwelo aya waari wa 5 ikitaari wala ovikana. Owo khahiyo paahi waari opuro waathummwa ni otumihiwa itthu. Masi waari opuro waaphwanyaneya muhakhu munceene wa epooma ele, ipoliitika ni soolema. Atthu a wAthena yaahikhalana yoolema ya othukumana omerkaado iwo wira evaaneleke voohimya sa myaha sa asomi.
nwtsty enoota yoosoma ya Mit 17:22, 23
Nipuro na Muluku òhisuweliwa: Nuulumo na eGriki noowi A·gnoʹstoi the·oiʹ naahilempwa valtarini mmosa wAthena. Atthu a wAthena moophavela waattittimiha amuluku aya, yaanaatekela itemplo sinceene ni altari, nave yanaapaka altari amuluku yahaasuwela aya, sintoko: Ovuwa, Ophwaneliwa, Ikuru, Oreera murima, ni Othunku. Waaniheryasa mwaha wa woova omuliyala muluku, ni okhala awanani a muluku owo, ti maana aya yaamutenke aya altari a “Muluku òhisuweliwa”. Altari ole aaniwiiriha atthu okupali wira ookhala Muluku atthu awo yahaamusuwela aya. Mwa miruku, Paulo aahimuromola altari owo wira opacerihe olaleerya wawe voohimya sa Muluku, eyo piiyo, Muluku eekeekhai, yoowo atthu ale yahaamusuwela aya.
Otokosa Itthu sa Efaita Soomunepani
w08 15/5 32 etti. 5
Iponto Suulupale sa Eliivuru ya Miteko
18:18—Natiri xeeni Paulo ammanne awe? Asomi akina anihimya wira murummwa Paulo aahimmana natiri a okhala Munaziri. (Moth. 6:1-21) Masi Biibiliya, khonimuhimya natiri Paulo ammanne awe. Ohiya-vo khonihimya akhala wira natiri owo ammanne ohinatthi wala nuumala okela eKristau, nave khonihimya akhala wira okathi ole Paulo aahipacerya omutaphula wala aahimutaphula. Hata aamutthunkwe wala nnaari eyo khahiyo yaari etampi.
nwtsty enoota yoosoma ya Mit 18:21
Muluku atthuná: Moolumo ala anooniherya otthuneya waya omuhela Muluku muhina okathi mutthu onuupuwela awe opaka etthu. Murummwa Paulo aanuupuwelela eyo. (1 aKor 4:19; 16:7; aHéb 6:3) Nave mutthareli Yakobo aahaatumererya atthu ohimyaka so: “Muluku átthuna, hiyo nnokhala akumi, nnimwira ela n’ila n’ila”. (Yak 4:15) Moolumo ala khahiyo otthekula paahi, mutthu yoole onihimya wira “Yehova atthuna”, ohaana wiimananiha vanceene opaka itthu moovarihana ni yootthuna ya Yehova. Masu ala khanitthuneya okathi wotheene olavuliwa mowiiwanyeya, masi khula okathi ahaana okhuma vamurimani.—nwehe inoota soosoma sa Mit 21:14; 1 aKor 4:19; Yak 4:15 ni Apendise C.
Omusoma Biibiliya
31 A DEZEMBRO–6 A JANERO
MIHAKHU SINIKHUMA MBIIBILIYANI | MITEKO 19-20
“Mwipasopeke Mmansinyu, Mwakhapeleleke AKristu Othene”
w11 15/6 20-21 etti. 5
“Mulyiheke orattene ipwittipwitthi sinnyereriwanyu ni Muluku”
5 Murummwa Pedru aahilepa wira axitokweene ahaana okhapelela ‘ipwittipwitthi annyereriwe aya ni Muluku’. Awo yaahaana osuwelexa wira nikoto nlo ti na Yehova ni Yesu Kristu. Axitokweene anookohiwa ni Muluku voohimya sa moota yaakhapelela aya ipwittipwitthi sawe. Nitakiherye wira mpatthani anyu muulupale onneetta mukwaha ni onnoovekelani waakhapelela anaawe. Niireke nyuwo khimwaarowa waakhapelela saana anamwane awo ni waavaha eyoolya? Akhala wira mwaana mmosa anwereiwa, niireke khimwaamuroiha oxipitaale? Moolikanasa, axitokweene a mmulokoni ahaana ‘wettiha saana Muloko wa Muluku yoowo othummwale ni ephome ya Mwanawe mmoseene’. (Miteko 20:28, NM) Awo ahaana ohiliyala wira khula epwittipwitthi, ethummwale ni ephome yootthuneya ya Yesu Kristu. Nto mwaha woosuwela wira anookohiwa ni Muluku, axitokweene annilyiha, waakiherya, ni okhapelela nikoto.
Axitokweene MaKristau ‘Annivara Muteko ni Hiyo Wira Nihakalaleke’
15 Okhala makampusi ori muteko woovila. Ikwaha sikina, axitokweene anniviriha ohiyu munceene evekelelaka ipwittipwitthi sa Muluku, wala yaakhaliheryaka axinnaya. (2 aKor. 11:27, 28) Nnaamwi vari siiso, awo annivara miteko saya saana ni moohakalala ntoko Paulo. Owo aahaalepela anna a oKorinto wira ‘Miyo mmansaka ni murim’aka wothene kinrwa wovahani sothene sirinaka, hatá kinimwileva vomalela wira koreriheni’. (2 aKor. 12:15) Mwaha wa waaphenta axinnawe, Paulo aanimaliha okathi munceene aalipihaka yaawo. (Mmusome 2 aKorinto 2:4; aFil. 2:17; 1 aTes. 2:8) Moohaaniherya, anna-tho yaanimphenta Paulo!—Mit. 20:31-38.
“Miyo nkina mulattu”
20 Mweettelo wa murummwa Paulo waahivirikana vanceene ni mweettelo wa atthu yaarowa ophavelaka ottottela mureerelo nikoto. Paulo aanivara muteko wira ophwanye yowiikhuuriha wira ohaxankiheke anna akina a mmulokoni. Waakhaliherya wawe anna khahiyo aaphavela waaphwanyerya mureerelo. Owo aahaatumererya axitokweene a wEfeso wooniherya munepa woowiivahererya. Owo aahimmye wira nihaana “wakhaliherya atthu òthoiwa, n’upuwelaka molumo Pwiya Yesu ohimyalyawe wira: Mulipa-òvaha onoreriwa onvikana mulipaòvahiwa“.—Mit. 20:35.
Otokosa Itthu sa Efaita Soomunepani
“Yanimwarela mulaponi N’uwerya Wulupale, Etepaka Olipihiwa” Nnaamwi Waakhanle Olupatthiwa
11 Woonasa wene Paulo aanilavula esaala yuulupale ya oxikola mahiku otheene, okhuma 11 hora mpakha 16 hora. (Mit. 19:9) Waaniheryasa owo waakhala okathi woomaaleleya, masi-tho wooviha vanceene, maana waakhala okathi atthu yaahiya aya ovara muteko wira elye ni omumula. Vakhala wira Paulo aahipaka eyo mwa iyaakha piili soomalela, woonasa wene owo aahiviriha iwoora ikonto tthaaru (3000) olaleeryaka Nuulumo na Muluku. Nlo ti nthowa nikina niiriha Nuulumo na Yehova omwareela mulaponi nuuwerya wuulupale. Owo aahilokiherya inamuna sa olaleerya saavarihana ni makhalelo a atthu a opuro ole. Exeeni yaakhumelenle? “Atthu othene a wAsia, aYuda n’amálapo, yahiwerya wiwa masu Àpwiya”. (Mit. 19:10) Moohaanyiherya Paulo aahilaleya moomalela ihapari sooreera!
“Yanimwarela mulaponi N’uwerya Wulupale, Etepaka Olipihiwa” Nnaamwi Waakhanle Olupatthiwa
15 Omanakasiwa wa anamwane a Sikewa waahiwiiriha anamunceene opacerya omuttittimiha Muluku, nto atthu anceene yaahikela eKristau ni yaahihiya maxitta. Soolema sa wEefeso saahela muhina maxintta, atthu anceene yaanipaka maxitta ni yaanikhalana ihirisi, weetta okhwiri ni okhalana iliivuru sa maxintta. Anamunceene a wEefeso yaahiruuha iliivuru saya sa maxitta, ni yaahipaha ohoolo wa atthu anceene, nnaamwi iliivuru iyo saari sa musurukhu munceene. Luka olempe so: “Molumo Àpwiya yanimwarela mulaponi n’uwerya wulupale, etepaka olipihiwa”. (Mit. 19:17-20) Tthiri iwo waari oxinttiwa wuulupale wa itthu sa ethiru vamosa ni malaikha ootakhala. Atthu a elapo ele aanivaha ntakiheryo nooloka. Hiyo-tho ninkhala olumwenku woosareya maxitta. Naweha wira nookhalana etthu enivarihana ni maxintta nihaana waatakiha atthu a wEefeso, eyo piiyo nihaana okhootta soolema iyo soohiirya hata vavilaka.
Omusoma Biibiliya