Nilokiherye Inamuna Sahu Soolaleerya​—Olepa Ipaphelo Wira Nilaleerye

OTTHUNEYA WAYA: Eliivuru ya aKorinto oopacerya, eniirela mpantta ipaphelo 14 murummwa Paulo aalempe awe wira aalipihe maKristau akhwaawe. Ewarakha aahiiso epaphelo, ennimukhaliherya mutthu othanlela moolumo, nave ennimweemererya mutthu onilepeliwa okhalana eparakha ya osoma ikwaha sinceene. Olepa ipaphelo enamuna yooreerela waalaleerya amusi ni atthu akina nnaasuwela ahu. Nave-tho eyo, enamuna yookhweya waalaleerya atthu nihinwerya ahu olavulana mmansihu. Mwa ntakiheryo, mutthu pooti osiveliwaka ekeekhai masi vanaxankiha omphwanya owannyawe. Atthu akina a muttetthe ahu pooti oxankihaka ovaanelana mwaha woowi anikhala inupa wala ipreedio sihineemereriwa atthu ahinsuweliwa ovolowa, ikintaali siniwaliwa okathi wotheene, aahiiso mapuro orakamela. Exeeni ninreerela ahu wuupuwelelaka, vanceenexa okathi nimmulepela ahu epaphelo mutthu nihimmusuwela ahu?

MOOTA WOOPAKA EYO:

• 

  Mulepeke etthu mwaarowa anyu owerya ohimya mmansinyu. Muhimyeke nsina nanyu wanipacerya wa ewarakha, ni etthu ewiirinheni olepa ewarakha eyo. Mpake nikoho wira mutthu owo uupuweleleke, ni mmulepe websaite ahu jw.org. Nuumala-vo mmuleele eprograma yoomusoma Biibiliya mwinternetini, wala owannyawe, aahiiso pooti ohimya miru sa ikapiitulu siri muliivuruni ninrumeela ahu wira niixuttihe. Wanikisa waya pooti onvaha ekartau jw.org, nlattulo, wala efolyeeto

• Mwaakuveyeke. Epaphelo eyo ehaana okhala yookhuveya ni muhaana osoma.​—Nwehe epaphelo yookhweya

• Nuumala olepa, muhaana ovarerya wira nwehe mwaalempe ene saana, yaiweyaka ni yaari ene yoolipiha