Watchtower EBIBLIOTEKA ONLAINE
Watchtower
EBIBLIOTEKA ONLAINE
Emakhuwa
  • BIIBILIYA
  • ILIIVURU
  • MITHUKUMANO
  • mwbr19 Agosto ipaax. 1-8
  • Ireferensia sa Okumi ni Orummwa Ahu Ekaderno Enirumeeliwa Omuthukumanoni

Mpantta ola khekhanle eviidiyu.

Muniswaamihe, khivaniweryaneya orumiha eviidiyu ela.

  • Ireferensia sa Okumi ni Orummwa Ahu Ekaderno Enirumeeliwa Omuthukumanoni
  • Ireferensia sa Okumi ni Orummwa Ahu Ekaderno Enirumeeliwa Omuthukumanoni—2019
  • Miru Saamukhaani
  • 5-11 ya Agosto
  • MIHAKHU SINIKHUMA MBIIBILIYANI | 2 TIMÓTHEYO 1-4
  • “Muluku Khonivanhe Munepa Wowoova”
  • (2 Timótheyo 1:7)
  • w09 15/5 epax. 15 etti. 9
  • Amiravo​—Mooniheryeke Orowa Wanyu Vahoolo
  • (2 Timótheyo 1:8)
  • w03 1/3 epax. 9 etti. 7
  • “Mulipihe Murima ni Mwiilipihe”!
  • Otokosa Itthu sa Efaita Soomunepani
  • (2 Timótheyo 2:3, 4)
  • w17.07 ipax. 6-7 etti. 13
  • Mphaveleke Mihakhu Sekeekhai
  • (2 Timótheyo 2:23)
  • w14 15/7 epax. 14 etti. 10
  • Atthu a Yehova “Ehiyeke Sotakhala”
  • Omusoma Biibiliya
  • (2 Timótheyo 1:1-18)
  • 12-18 ya Agosto
  • MIHAKHU SINIKHUMA MBIIBILIYANI | TITO 1–FILÉMONI
  • “Mwaathanle Axitokweene”
  • (Tito 1:5-9)
  • w14 15/11 ipax. 28-29
  • Makoho Anikohiwa ni Ale Anisoma Irevista Sahu
  • Otokosa Itthu sa Efaita Soomunepani
  • (Tito 1:12)
  • w89 15/5 epax. 31 etti. 5
  • Makoho Anikohiwa ni Ale Anisoma Irevista Sahu
  • (Filémoni 15, 16)
  • w08 15/10 epax. 31 etti. 4
  • Iponto Suulupale sa Eliivuru ya Tito, Filémoni, ni aHéberi
  • Omusoma Biibiliya
  • (Tito 3:1-15)
  • 19-25 ya Agosto
  • MIHAKHU SINIKHUMA MBIIBILIYANI | AHÉBERI 1-3
  • “Mphenteke Exariya ni Munyokheke Itthu Sootakhala”
  • (aHéberi 1:8)
  • w14 15/2 epax. 5 etti. 8
  • Mmutthapele Kristu, Mwene Ovuwihiwe!
  • (aHéberi 1:9)
  • w14 15/2 ipax. 4-5 etti. 7
  • Mmutthapele Kristu, Mwene Ovuwihiwe!
  • Otokosa Itthu sa Efaita Soomunepani
  • (aHéberi 1:3)
  • it 2 382 etti. 1
  • Eruku
  • Niireke Yesu okathi wotheene aahooniherya mikhalelo sa Tiithi awe moomalela?
  • (aHéberi 1:10-12)
  • it-1 491 etti. 2
  • Erimu
  • Omusoma Biibiliya
  • (aHéberi 1:1-14)
  • 26 a Agosto–1 a Setembro
  • MIHAKHU SINIKHUMA MBIIBILIYANI | AHÉBERI 4-6
  • “Mwiimananiheke Okela Moomumulani Mwa Muluku”:
  • (aHéberi 4:1)
  • (aHéberi 4:4)
  • w11 15/7 ipax. 24-25 itti. 3-5Omumula wa Muluku—Ontaphulela Exeeni?
  • (aHéberi 4:6)
  • w11 15/7 epax. 25 etti. 6
  • Omumula wa Muluku—Ontaphulela Exeeni?
  • (aHéberi 4:9-11)
  • w11 15/7 epax. 28 itti. 16-17
  • Omumula wa Muluku—Ontaphulela Exeeni?
  • Otokosa Itthu sa Efaita Soomunepani
  • (aHéberi 4:12)
  • w16.09 epax. 23
  • Makoho Anikohiwa ni Ale Anisoma Irevista Sahu
  • Exeeni ekhanle “masu a Muluku”, anihimmwa yoolepa ya aHéberi 4:12?
  • (aHéberi 6:17, 18)
  • it-2 epax. 24 etti. 5
  • Nlipelelo
  • Omusoma Biibiliya
  • (aHéberi 5:1-14)
Ireferensia sa Okumi ni Orummwa Ahu Ekaderno Enirumeeliwa Omuthukumanoni—2019
mwbr19 Agosto ipaax. 1-8

Ireferensia sa Okumi ni Orummwa Ahu Ekaderno Enirumeeliwa Omuthukumanoni

5-11 ya Agosto

MIHAKHU SINIKHUMA MBIIBILIYANI | 2 TIMÓTHEYO 1-4

“Muluku Khonivanhe Munepa Wowoova”

(2 Timótheyo 1:7)

w09 15/5 epax. 15 etti. 9

Amiravo​—Mooniheryeke Orowa Wanyu Vahoolo

9 Wira omukhaliherye Timootheyo, Paulo aahimuupuxerya so: “Eroho Muluku enivahalyawe khinnikhaliha òwòva: ohiya-vo, Eroho yeyo ennivaha ikuru n’uphentana ni wilamulela [muupuwelo wooloka]”. (2 Tim. 1:7) “Wilamulela” aahiiso okhalana muupuwelo wooloka onihela muhina wuupuwela saana ni mookhalela. Eyo enihela muhina owerya wuupuwela saana ni wiiwexexa saana itthu. Nave enihela-tho muhina ohikhalana moonelo wootepiha itthu, ohiya ophavelaka wira itthu iyo sikhaleke sintoko hiyo naaphavela ahu. Amiravo akina annooniherya munepa ‘wòwòva’ vaavo animananiha aya osyaka mixankiho saya, erupaka vanceene, oviriha okathi munceene enwehaka Televisau, olya mirette soohapala, owurya eviinyu mootepana, orowa ifesta sihiniwehawehiwa, ni orupihana moohiloka. Tivo maKristau ootheene annitumereriwa: “okhotta makhalelo òtakhala ni ohiya itthu sintthunexiwa vathí-va, wira mahiku othene netteke ni wisumaliha n’ixariya n’omuttittimiha Muluku”.​—Tito 2:12.

(2 Timótheyo 1:8)

w03 1/3 epax. 9 etti. 7

“Mulipihe Murima ni Mwiilipihe”!

7 Omulepelaka Timootheyo, Paulo aahimmye so: “Eroho Muluku enivahalyawe khinnikhaliha òwòva: ohiya-vo, eroho yeyo ennivaha ikuru . . . Tivó, muhùleliwe muru omulaleya Pwiy’ahu”. (2 Timótheyo 1:7, 8; Marko 8:38) Vaavo ninsoma ahu moolumo ala, niikoheke so: Kiireke kinnuuliwa muru mwaha wa waamini waka, aahiiso ka mutthu oolipa murima? Omutekoni waka (wala oxikola) kiireke kinnisuweliwa wira ka Namoona a Yehova, wala kinimananiha wiipitiha? Kiireke kinnuuliwa muru mwaha woovirikana ni atthu akina, wala kinnitteeliwa murima mwaha wookhala mpatthani a Yehova? Akhala wira mutthu onnikhalana moonelo woohiloka voohimya sa olaleya ihapari sooreera wala onnoova olaleerya, ohaana wuupuwelela miruku Yehova aamulenle awe Yoxuwa sini: “Mulipihe murima mukhalane nthiti”. Muhiliyale, wira etthu yootepa otthuneya khahiyo ottottopeliwa ni apatthani ahu ooxikola wala oomutekoni, masi nimphavela ottottopeliwa ni Yehova vamosa ni Yesu Kristu.​—aGalasia 1:10.

Otokosa Itthu sa Efaita Soomunepani

(2 Timótheyo 2:3, 4)

w17.07 ipax. 6-7 etti. 13

Mphaveleke Mihakhu Sekeekhai

13 Timootheyo aari mulopwana oowaamini. Nuumala Paulo oomuhimya Timootheyo okhala “nakhotto òroromeleya a Yesu Kristu”, Paulo aahimuleela wira: “Ole onetta okhottoni, atthuna omusiveliha kapitau awe, khanetetela miteko sihikhanle s’ekhotto”. (2 Tim. 2:3, 4) Olelo-va, atthareli a Yesu waahela muhina arumeyi anivikana emilyau emosa anivara muteko wa Muluku wa okathi wotheene, annivarihela muteko miruku sa murummwa Paulo. Awo annisyaka wiikeliha anakoso ootakhala a olumwenku ola, maana annuupuwela malakiheryo ala: “Mulipa-òkopha epotthá y’ole omukophenlyawe”. (Mir. 22:7, Biblia Solempwa sa Muluku) Satana oniphavela wira nirumeeleke ikuru sahu ni oviriha okathi munceene niirelaka mpantta olumwenku awe wa nakoso. Atthu akina annikopha musurukhu munceene wira ethume empa, ekaaro, eliverye osoma waya aahiiso ekasamento. Naahivahe ephoole, hiyo pooti ohiwerya oliva musurukhu owo mwa iyaakha sinceene. Ninniwooniherya ankhili vaavo ninkhweiherya ahu okumi ahu, osyaka okopha ni orumeela musurukhu vakhaani. Napaka eyo, ninrowa omurumeelaka Muluku mootaphuwa ni osyaka okhala epottha ya olumwenku ola wa nakoso.​—1 Tim. 6:10.

(2 Timótheyo 2:23)

w14 15/7 epax. 14 etti. 10

Atthu a Yehova “Ehiyeke Sotakhala”

10 Olelo-va, khahiyo wira atthu a Yehova khuta okathi aniwana ni anamavirikanya mmulokoni. Masi, akhala wira ninniiwa itthu sihinkhuma mBiibiliyani, voohicikha etthu sa ole oniixuttiha, nihaana okhootta moomalela. Tthiri onrowa okhala othoiwa ankhili, akhala wira ninneemya ovaanyihana ni anamavirikanya, okhale mutthu ene, mwInternetini, wala ni enamuna ekina ya wuulumana anamavirikanya. Hata nuupuwelaka wira nimphavela omukhaliherya paahi mutthu owo, ovaanela wahu, onrowa ovaanyihaka yooruma ya Biibiliya emanle ahu othokorerya. Ntoko arumeyi a Yehova, nihaana waahuluwa moomalela, niire so, waakhoottela anamavirikanya.

Omusoma Biibiliya

(2 Timótheyo 1:1-18)

12-18 ya Agosto

MIHAKHU SINIKHUMA MBIIBILIYANI | TITO 1–FILÉMONI

“Mwaathanle Axitokweene”

(Tito 1:5-9)

w14 15/11 ipax. 28-29

Makoho Anikohiwa ni Ale Anisoma Irevista Sahu

Nnaamwi soolempwa sihitthokiheryaka moota yaathanliwa aya, hiyo nnoowerya woona moota eyo yiiranen’ye aya. Biibiliya onnihimya wira okathi yoole Paulo ni Baarnaba yaatthikela aya owaani nuumala mukwaha aya woopacerya wa omisionaario, ‘Khula muloko wa aKristu yahathanlela mahumu [axitokweene], numalá olompa ni otthukwa, yahavelela w’Apwiya [Yehova], atthu yawo yawaminnyaya’. (Mit. 14:23) Sivinre ene iyaakha vakhaani, Paulo aahimulepela mutokweene oweettetta mukina Tito oriki: ‘Miyo kihohiyani oKereta wira mmalelihe sipajenryaka ovara, ni wira mwakhalihe alipa-òwettiha aKristu [axitokweene] mwa khula muttetthe, muttharaka solènlyakani’. (Tito 1:5) Vamosaru, Timootheyo yoowo aamakela weetteetta ni murummwa Paulo, aahivahiwa owerya wa waathanla axitokweene mmulokoni. (1 Tim. 5:22) Tthiri vanniiwanyeya saana wira axitokweene oweetteetta ti yaathanla axitokweene mmulokoni, ohiya arummwa ni mahumu yaari oYerusalemu.

Mwaha wa malakiheryo awo, a mBiibiliyani, Nikhuuru Noolamulela na Anamoona a Yehova noopaka marukunuxo a inamuna sinthanliwa aya axitokweene ni arummwa oorumeela. Nto okhuma 1 a Setembro 2014, anna awo anithanliwa mwa enamuna ela enittharelana: Khula mutokweene a esirkwitu tonivarerya mikhalelo sa anna otheene anooniwa oreerela wira akhale axitokweene wala arummwa oorumeela. Okathi mutokweene a esirkwitu onixukurya awe muloko, onnimananiha waasuwela anna otheene anireerela othanliwa, ovaraka muteko vamosa ni anna awo. Nuumala othokorerya makhalelo a anna awo ni axitokweene a muloko owo, mutokweene a esirkwitu torina muritti wa waathanla axitokweene ni arummwa oorumeela a miloko sa esirkwitu awe. Mwa enamuna eyo marehereryo awo annikhuveela ni ele yaapakiwa eseekulu yoopacerya.

Ti pani onikhapelela mpantta muulupale wa muteko owo? Ntoko siniiraneya aya okhuma khalai, “murumeyi òroromeleya ni ànkhili” torina muritti muulupale wowaalyiha atthu a Muluku. (Math. 24:45-47) Eyo enihela muhina otokosa Soolempwa, akhaliheriwaka ni munepa wootteela wa Muluku annivaha miruku soovareleya muteko sinikhuma mBiibiliyani, seiyo sinooniherya moota sinitthokihiwa aya muloko wa olumwenku wotheene. Nave Murumeyi oororomeleya tonaathanla axitokweene a esirkwitu ni anna a Ekomisau ya eFiliyaali. Khula efiliyaali, ennikhaliherya wira etthariheliweke malakiheryo otheene anivahiwa aya. Khula nikhuuru na axitokweene, nookhalana muritti wa otokosa oratteene Soolepa, wira noone akhala wira anna anaathanla aya anniphwanelela tthiri ohoolela muloko wa Muluku. Khula mutokweene a esirkwitu, ookhalana muritti muulupale wa otokosa oratteene ni opaka mavekelo wira oone akhala wira anna athanliwe ni axitokweene a khula muloko, anniphwanelela.

Otokosa Itthu sa Efaita Soomunepani

(Tito 1:12)

w89 15/5 epax. 31 etti. 5

Makoho Anikohiwa ni Ale Anisoma Irevista Sahu

Tthiri Paulo khaaphavela waakhuleliha moonelo woohiloka wa nthalu anamunceene yaarina aya ni atthu a nihimo na oKereta. Ninnikupali eyo maana Paulo aahisuwela wira oKereta yaahikhala maKristau ooreera murima yaawo yaarina waataana wooloka ni Muluku ni yaathanliwe wala woottihiwa ni munepa Awe wootteela. (Miteko 2:5, 11, 33) Yaahikhala maKristau manceene yaivaherenrye olaleerya mittetthe sinceene mpakha okhumelela miloko. Nnaamwi yaari atthu oohimalela, ninnikupali wira awo khiyootha, olya mootepana mpakha wiipeliwa, ni khahiyo yaari atthu oolosowa wala ootteettheya okhala wira opaka eyo yaamuhiya okhalana waataana wooloka ni Yehova. (aFilipi 3:18, 19; Wisupulula 21:8) Sintoko eniiraneya aya olelo-va ni ilapo sotheene, woonasa wene oKereta yaahikhala atthu yaariipiwa murima vanceene mwaha wa mweettelo woohiloka wa anamunceene masi yaari oolikaneene wira yaakhelele muhupi yaalaleeriwe aya.​—Ezekiyeli 9:4; nwehe-tho eliivuru ya Miteko 13:48.

(Filémoni 15, 16)

w08 15/10 epax. 31 etti. 4

Iponto Suulupale sa Eliivuru ya Tito, Filémoni, ni aHéberi

Fi 15, 16—Xeeni Paulo ahanvekenle awe Filémoni wira ohiye omuthokorerya Onésimo sintoko epottha awe? Paulo aaphavela ohela nipuro noopacerya muteko awe ‘wolaleya Omwene wa Muluku ni wixuttiha itthu s’Apwiya Yesu Kristu’. Ti maana aya ahaaphavela awe wiikeliha muhina myaha sa nakoso sintoko myaha sa ipottha.​—Miteko 28:31.

Omusoma Biibiliya

(Tito 3:1-15)

19-25 ya Agosto

MIHAKHU SINIKHUMA MBIIBILIYANI | AHÉBERI 1-3

“Mphenteke Exariya ni Munyokheke Itthu Sootakhala”

(aHéberi 1:8)

w14 15/2 epax. 5 etti. 8

Mmutthapele Kristu, Mwene Ovuwihiwe!

8 Mwaakha wa 1914 Yehova aahinvaha Mwanawe Omwene ntoko Mwene Omesiya. Ekopo ya omwene awe eri ekopo ya exariya, ela enitaphulela wira momweneni mwawe, exariya ni ohipuheryana enrowa otepa waatta. Vannihimmwa wira Muluku tokhanle ehice awe, okhala wira okhulupale awe onivahiwa ni Muluku. Nihimye so, Yehova tori mathipelo a omwene awe. Tivonto, ehice ya Yesu enikhala mahiku otheene. Niireke munnoona oreera waya omurumeela Yehova, neettihiwaka ni Mwene oowerya othanliwe ni Muluku?

(aHéberi 1:9)

w14 15/2 ipax. 4-5 etti. 7

Mmutthapele Kristu, Mwene Ovuwihiwe!

7 Musome Esalimo 45:7, 8. Okhala wira Yesu onniphenta vaalupale exariya ni onninyokha khuta etthu enimuramusa Tiithi awe, Yehova oomuthanla okhala Mwene a Omwene wa Omesiya. Yesu ‘ahittikittheliwa makhura òwarya’, vowaavikana mamwene makina, eyo piiyo, mamwene oYuda emusi ya Davidi. Mwaha wa xeeni? Mwaha wa etthu emosa, Yesu aathanliwe ni mwaneene Yehova. Ohiya-vo, Yehova aahimuthanla Yesu wira okhale Mwene ni Muulupale Aanamukuttho. (Esal. 2:2; aHéb. 5:5, 6) Nincereryaka eyo, othanliwa wa Yesu ntoko mwene khiyaarumeeliwe makhura, masi munepa wootteela, tivonto Omwene awe khahiyo wa valaponi masi ti wa wiirimu.

Otokosa Itthu sa Efaita Soomunepani

(aHéberi 1:3)

it 2 382 etti. 1

Eruku

Niireke Yesu okathi wotheene aahooniherya mikhalelo sa Tiithi awe moomalela?

Mwaana oopaceriwa a Muluku, yoowo muhoolo mwaya aasuweliwe okhala Yesu, onnihimmwa okhala eruku ya Muluku. (2 aKor 4:4) Okhala wira mwaana owo ti yoole Muluku aavaanelana awe ohimyaka so: “Nimùpe mutthu onlattanahu”, olattana iwo wa mwaana ni Tiithi awe yoowo ori Mpattuxa, waahikhala okhuma nihiku Mwaana aapattuxiwe awe. (Map 1:26; Yoh 1:1-3; aKol 1:15, 16) Okathi mwaana owo aari awe valaponi, ntoko mulopwana oomalela, aanooniherya mikhalelo ni omutthu wa Tiithi awe moomalela, moovarihana ni makhalelo a apinaatamu oohimalela, ti nthowa naya aahimmye awe wira: “ole okònne miyo, owònne Atithi”. (Yoh 14:9; 5:17, 19, 30, 36; 8:28, 38, 42) Olattana iwo, waahooneya saana okathi Yesu aahihimuxiwe awe wira akhaleke wiirimu, ni okathi aavahiwe awe ‘owerya wothene wirimu ni vathí’ ni Tiithi awe, Yehova Muluku. (1 Pe 3:18; Mat 28:18) Okhala wira Muluku onvaha Yesu okhulupale ni “nsina novikana masina othene”, Mwaana a Muluku aahooniherya ovuwa wa Tiithi awe vaavo aavahiwe awe okhulupale wootepexa wunnuwa ovikana ole aarina awe wiirimu ohinatthi orwa valaponi. (aFi 2:9; aHé 2:9) Vano Owo ti “eruku ya makhalelo awe [Muluku]”.​—aHé 1:2-4.

(aHéberi 1:10-12)

it-1 491 etti. 2

Erimu

Moolumo ari Esalimo 102:26-28 animuhimya Yehova, masi murummwa Paulo aahiromola moolumo ala omuhimya aka Yesu Kristu. Eyo ehiiraneya mwaha woowi Mwaana mmoseene a Muluku, aari nlaikha nenlo Muluku aarumenle awe okathi aapattuxa awe olumwenku. Paulo onnooniherya ovirikana okhanle eriyari ya okathi opattuxiwe awe Mwaana ni okathi opattuxiwe aya olumwenku. Paulo onooniherya wira okhala wa Yesu ni okhala wa itthu sipattuxiwe ti woovirikana, maana, Muluku aaphavenle, yena anwerya omaliha itthu sipattunxe awe, eyo piiyo, ‘okhuna ntoko nlaya’ ni opweha mpantta mukina, masi Yesu nnaari. Okhala wawe khonimala.​—aHé 1:1, 2, 8, 10-12; mulikanyihe ni 1 Pe 2:3.

Omusoma Biibiliya

(aHéberi 1:1-14)

26 a Agosto–1 a Setembro

MIHAKHU SINIKHUMA MBIIBILIYANI | AHÉBERI 4-6

“Mwiimananiheke Okela Moomumulani Mwa Muluku”:

(aHéberi 4:1)

(aHéberi 4:4)

w11 15/7 ipax. 24-25 itti. 3-5Omumula wa Muluku—Ontaphulela Exeeni?

3 Aakhala mathowa manli annikupaliha wira nihiku na neethanu nenli, nlelo niira nihinatthi omala eseekulu yoopacerya Nuumala Kristu Orwa. Wanipacerya, nrowe nithokorerye masu a Yesu aaroihela awe awanani awe vaavo yaamoothenrye aya ohiiwelela malamulo a Muluku nuumala ompenuxa muretta nihiku na eSaabadu. Awo yaahihimya wira opaka eyo waalikana ni ovara muteko. Pwiya Yesu aahiwaakhula so: “Atithi aka annivara muteko mahiku othene: ni miyo-tho kinnivara”! (Yohani 5:16, 17) Exeeni Yesu aaphavela awe ohimya? Yesu ootheriwa ovara muteko nihiku na eSaabadu. Owo aahaakhula wira ‘Atithi awe annivara muteko’ owooniheryaka wira yaahivonya. Vekeekhai, Yesu aaphavela waaleela anamavaanyiha ale wira: ‘Atithi ni miyo ninnivara muteko mmosaru. Okhala wira Atithi annivara muteko esaabadu aya yeeyo opisa waya ori wa ikonto sinceene sa iyaakha, nto khahiyo vootthekeya miyo ovara muteko eSaabadu’. Nto Yesu aahooniherya wira, moovarihana ni elapo, eSaabadu yuulupale, wala nihiku noomumula na Muluku, nihiku na neethanu nenli, nlelo niira nihinatthi omala mahiku ale.

4 Nthowa na nenli naahooniheriwa ni murummwa Paulo. Okathi aaromola awe eliivuru ya Maphattuwelo 2:2, voohimya sa omumula wa Muluku, Paulo uupuxeriwaka ni Muluku aahimmye so: “Hiyo nihamini, tivó vanrowahu ophwanya omumula iwo”. (aHéb. 4:3, 4, 6, 9) Nto okathi wa Paulo, nihiku na neethanu nenli nlelo niira nihinatthi omala. Nihiku nlo noomumula naarowa ovikaniha mpakha silini?

5 Wira naakhule nikoho nlo, nihaana wuupuwelela yoolakela ya nihiku na neethanu na nenli. Maphattuwelo 2:3 onnitthokiherya yoolakela ya nihiku nlo: “Muluku ahireriha nihiku nla nanethanu nenli, khwìthanlelaka okhala nawawe”. Nihiku nlo naahitteelihiwa wala opwehiwa mpantta mukina ni Yehova wira yootthuna awe yiiraneye moomalela. Owo oniphavela wira elapo ekhaliweke ni alopwana ni athiyana oowiiwelela yaawo anrowa okhapelelaka itthu sotheene sirina okumi siri mulaponi. (Maph. 1:28) Nto wira yiiraneye yoolakela eyo, Yehova Muluku, ni Yesu Kristu, yoowo ori ‘Pwiya a esábadu’, annivikaniha ‘ovara muteko’. (Mat. 12:8) Nihiku noomumula na Muluku nnoovikanihaka okhala mpakha wiiraneya yoolakela ya Muluku yeeyo enivarihana ni nihiku nlo, wanikisa wa Olamulelo wa Kristu Iyaakha Ekonto Emosa.

(aHéberi 4:6)

w11 15/7 epax. 25 etti. 6

Omumula wa Muluku—Ontaphulela Exeeni?

6 Muluku aahaatthokiherya saana Adamu ni Eva yoolakela awe ni elapo ela ya vathi, masi awo khiyaakhalihenrye wiiraneya wa yoolakela eyo. Adamu ni Eva ti yaapacenrye omurukunuwela Muluku. Nave olelo-va, aakhala atthu imilyau sinceene apanke etthu emosaru. Hata arumeyi a khalai a Muluku, nloko na aIsarayeli, yaamakela ohimwiiwelela Muluku. Ti nthowa naya Paulo aaloponle awe maKristau a eseekulu yoopacerya wira nave atthu akina a muloko wa eKristau vakhala wira khiyaarowa okhalana ephoole yammorela nave muraakho mmosaru yaamorenle aya aIsarayeli a khalai. Paulo aalempe so: “Tivó, nìreke sothene simphwanelela, wira namumule vamosá ni Muluku. Ahikhalé ohìniwelela, ntoko sahaìwelenlyaya atthu a khalayi”. (aHéb. 4:11) Nwehe wira murummwa Paulo aahilikanyiherya ohiiwelela ni ohikela moomumulani mwa Muluku. Exeeni enitaphulela aya wa hiyo? Vakhala wira nnoohiya okhala moovarihana ni yoolakela ya Muluku, eyo pooti oniiriha ohikela moomumulani mwa Muluku? Tthiri ti vootthuneya vanceene othokorerya mwaha ola. Vano nrowe niwehe ele ninniixuttiha aya ntakiheryo noohiloka na aIsarayeli a khalai voohimya sa okela moomumulani mwa Muluku.

(aHéberi 4:9-11)

w11 15/7 epax. 28 itti. 16-17

Omumula wa Muluku—Ontaphulela Exeeni?

16 MaKristau vakhaani paahi olelo taniiwelela Nlamulo na Moise wira yoopowe. Uupuxeriwaka ni Muluku, Paulo aahaaleela aEefeso wira: “eparakha ya Muluku t’iwoponleni mwaha wo wamini. Wopowa wanyu khunrwa wa miteko sanyu: Muluku t’onovahani mahalene. Wopowa wanyu khunrwa wa miteko sanyu: tivó, khavo mutthu onwerya wittottopa”. (aÉf. 2:8, 9) Nto moota xeeni maKristau akhanle aya ookela moomumulani mwa Muluku? Yehova oosuka nihiku na neethanu na nenli—nihiku nawe noomumula—wira aakhwaniherye yoolakela awe ya elapo ela ya vathi. Hiyo nnoowerya okela moomumulani mwa Yehova—wala wiirela mpantta—vakhala wira nnimwiiwelela ni okhala moovarihana ni yootthuna awe, yeeyo onnisuweliha awe orumeela aka mutthenkeso awe.

17 Mwa enamuna ekina, vakhala wira mutthu onnihiya wiiwelela miruku sa mBiibiliyani ninvahiwa ahu ni murumeyi oororomeleya ni ankhili, nnaathanla mweettelo wootaphuwa, eyo pooti onikumiherya maxakha ohela muhina oyeleela eparakha yookela moomumulani mwa Muluku. Opaka eyo mutthu pooti ohonona waataana wawe wooloka ni Yehova. Mwaha onittharelana, ninrowa othokorerya itthu kamosa-kamosa sikhanle oonikumiherya maxakha olelo-va moovarihana ni soothanla sinipaka ahu, seiyo sinrowa onikhaliherya woona vakhala wira nnoophwanela okela moomumulani mwa Muluku.

Otokosa Itthu sa Efaita Soomunepani

(aHéberi 4:12)

w16.09 epax. 23

Makoho Anikohiwa ni Ale Anisoma Irevista Sahu

Exeeni ekhanle “masu a Muluku”, anihimmwa yoolepa ya aHéberi 4:12?

▪ Iversiikulu soopacerya sinninikhaliherya wiiwexexa wira Paulo aalavula muhupi wa Muluku waatthokiherya yoolakela awe, yeeyo eniphwanyaneya mBiibiliyani.

Ikwaha sinceene ninnimuthokorerya aHéberi 4:12 muliivuruni mwahu, niphavelaka wooniherya wira Biibiliya ookhalana owerya wa orukunuxa ikumi sa atthu, nto eyo ekeekhai. Masi, ti vooloka ophavela osuwela ele Paulo aathokorerya awe vaavo aalempe awe moolumo ari aHéberi 4:12. Owo aahaalipiha maKristau aHeeberi wira akhaleke moovarihana ni soolakela sa Muluku. Sooleiherya sinceene saaniphwanyaneya soolempwa sowaarya. Paulo aahirumeela ntakiheryo nimosa olavulaka sa woopoliwa wa aIsarayeli wExiitu. Awo yaanilipelela okela “elapo [yooleiheriwa] enikhowa eleti n’uravo”, weiwo waarowa aya okhalana murettele.​—Okhum. 3:8; Otum. 12:9, 10.

Ela yaari yoolakela ya Muluku. Masi aIsarayeli yaahikhootta weettihiwa ni Yehova ni khiyaarina waamini, tivonto, anamunceene yaahooceela ophwanya omumula iwo. (Moth. 14:30; Yox. 14:6-10) Masi, Paulo aahincererya oriki: Nlelo ookhala “natiri a Muluku wira nnorowa omumula”. (aHéb. 3:16-19; 4:1) Mwekeekhai “natiri” owo oniirela mpantta ele Muluku uupulunle awe voohimya sa yoolakela awe. Ntoko maKristau aHeeberi, nnoowerya osoma ni okhala moovarihana ni yoolakela eyo. Ophavelaka wooniherya wira yoolakela eyo yaakhuma mBiibiliyani, Paulo aahiromola ipantte sikina sa Maphattuwelo 2:2 ni Esalimo 95:11.

Masu oowi “nlelo [ookhala] natiri a Muluku wira nnorowa omumula”, annivara mirima sahu. Hiyo ninnaamini ele Biibiliya eniixuttiha awe wira nnoowerya ophwanya omumula onikumiheriwa ni Muluku, nave ninniimananiha wira naphwanye omumula iwo. Nto khannipaka eyo mwaha wootthara Nlamulo na Moise aahiiso opaka itthu sooloka wira neemereriwe ni Yehova paahi. Masi, ninnipaka eyo mwaha woowi ninnimwaamini Muluku ahu, ni ninrowa othipelela okhala moovarihana ni yoolakela awe. Atthu ikonto sinceene olumwenku wotheene, annimusoma Biibiliya ni anniixutta ele Muluku uupulunle awe voohimya sa yoolakela awe. Eyo yoowiiriha atthu anceene orukunuxa ikumi saya, yaaminiki ni abatiziwaka. Moota atthu awo anirukunuxa aya ikumi saya, ethoonyeryo yoowi ‘masu a Muluku ti makumi ni t’òwerya’. Ele Muluku uupulunle awe mBiibiliyani voohimya sa yoolakela awe yoovara mirima sahu, ni enrowa ohihiya onikhaliherya mookumini mwahu.

(aHéberi 6:17, 18)

it-2 epax. 24 etti. 5

Nlipelelo

Yoolipelela eyo ya okhalana ekumi ehinimala ni ehinintta arina aya ale “yiihaneliwe ni Muluku okhala [wiirimu]” (aHé 3:1) tthiri etthu enreerela ororomela. Eyo ennikhaliheriwa ni itthu piili Muluku ohikhanle awe oonoototha, yooleiherya awe vamosa ni olapha wawe, ni yoolipelela ahu eri mwa Kristu, yoowo vano ori wiirimu ni ohinikhwa. Nlipelelo nlo ninlikana ni ‘nankura onemexa erutthu ahu. Nlo ti neekeekhai, ni ti noolipa, ninnikeliha mpani mwa Muluku wiirimu [sintoko siisaale muulupale a anamukuttho aakela awe Nipuro Noowaaryexa Nihiku na Ovekela Oleveleliwa Itampi], memmo Yesu okenlyawe-mo mwa mureerelo ahu, khukhala namukuttho mulupale a mahiku othene, enamuna y’onamukuttho wa Melikhisedeki’.​—aHé 6:17-20.

Omusoma Biibiliya

(aHéberi 5:1-14)

    Watchtower EBIBILIOTEKA ONLAINE (1982-2025)
    Okhuma
    Okela
    • Emakhuwa
    • Ovaha
    • Siniphavela Anyu
    • Copyright © 2025 Watch Tower Bible and Tract Society of Pennsylvania
    • Malamulo Oorumeela
    • Mwaha Woosuka Isiiri
    • Privacy Settings
    • JW.ORG
    • Okela
    Ovaha