Etthu Nniixutta Ahu ni Malamulo Yaakhanle Voohimya sa Maretta

Ona 13:4, 5, 45, 46, 52, 57

Malamulo yaakhanle voohimya sa maretta wala makuttula pooti onikhaliherya okhapelela okumi ahu womunepani. Exeeni anniixuttiha aya malamulo awo?

• Yehova aahiwiixuttiha anamukuttho moota woomusuwela moowaakuveya mutthu aarina maretta wala makuttula. Nave olelo-va, axitokweene annimukhaliherya moowaakuveya khula mutthu onireerela okhaliheriwa mwa omunepani.—Yak 5:14, 15

• Wira maretta wala makuttula ahuulaane, aIsarayeli yaahaana opwetexa itthu sotheene saaranve mwiikho. Mwa enamuna emosaru, ntoko maKristau, nihaana osyaka khula etthu yaarowa oniiriha opaka etampi, hata eri ene etthu ennisivela vanceene. (Mat 18:8, 9) Woonasa wene, itthu iyo pooti ohela muhina itthu nlimalenle ahu opaka, apatthani ahu, wala matthekulelo ahu

Moota xeeni muKristau onrowa awe wooniherya wira onniphavela okhaliheriwa ni Yehova?