Oweha Soopattuxiwa, Onnilipiha Ororomela Wahu Miruku sa Yehova

Niireke khula okathi Yehova onnisuwela itthu sinniphwanyiha mureerelo? Aayo, onnisuwela. Nto, ninnooniherya okhala a miruku okathi vanitthara ahu malakiheryo awe. (Mir 16:3, 9) Masi, pooti onixankiha otthara malakiheryo a Yehova, vakhala wira malakiheryo awo khanivarihana ni etthu eniphavela ahu. Oweha ni wuupuwelela soopattuxiwa sa Yehova, onnilipiha ororomela wahu miruku sawe.—Mir 30:24, 25; aRo 1:20.

NWEHE EVIIDIYU ENI: VANIWERYANEYA SAI INENEELE WEETTA MOOHIKHUMULANA? NUUMALA-VO, MWAAKHULE MAKOHO ALA ANITTHARELANA:

• Itthu xeeni ineneele sinipaka aya khula nihiku?

• Exeeni ineneele sinipaka aya wira sihikhumulane ephiro sinivira aya?

• Exeeni apinaatamu aniixutta aya ni moota ineneele sineetta aya?

NWEHE EVIIDIYU ENI: MOOTA ENUYI ENIVAVA AYA. NUUMALA-VO MWAAKHULE MAKOHO ALA ANITTHARELANA:

• Muxankiho xeeni onimphwanya pilotu okathi oneettiha awe eviyau yaamukhaani?

• Exeeni enikhaliherya enuyi ovava saana ehinamora?

• Exeeni apinaatamu aniixutta aya ni moota enuyi enivava aya?

Okathi vaniweha anyu itthu Yehova opattunxe awe, exeeni eniixutta anyu ni miruku sawe?