“Ole Omphenta . . . Khoniixinnuwiha”

Ophenta onninikhaliherya wiiyeviha. (1 aKo 13:4) Okathi nnaaphenta ahu axinnihu, khanniixoona okhalana efaita waavikana awo. Ninniweha itthu sooreera anipaka aya nave ninnirumeela itthu ninsuwela ahu wira naakhaliherye. (aFi 2:3, 4) Okathi nintepa ahu wooniherya ophenta, nave Yehova onnitepa onirumeela wira opake itthu oniphavela awe.

NWEHE EVIIDIYU ENI: MUSUWELEKE WIRA OLE OMPHENTA—KHONIIXINNUWIHA, NUUMALA-VO MWAAKHULEKE MAKOHO ALA ANITTHARELANA:

• Itthu xeeni sooloka Absalomi aarina awe?

• Aarumenle sai moohiloka itthu iyo?

• Exeeni enrowa onikhaliherya ohiixinnuwiha?—aGa 5:26