Oturuka Nsu

Miruku 8:4, 7

MALAKIHERYO: Mwiiwanyeiheke saana etthu enilavula anyu ni mweereryeke waavara murima alipa-oowiriyana mulavulaka mowiiwanyeya, nvukulaka nsu wala orunya, mwaakuvihaka olavula wala opurula.

MOOTA WOOPAKA:

• Muncereryeke wala ovukula nsu nanyu. Muncereryeke nsu wira muttittimiherye iponto suulupale ni wira mwavare murima alipa-oowiriyana. Mpakeke etthu emosaru okathi munisoma anyu mpantta wa mBiibiliyani onilavula sa ophukela wa Yehova. Nvukuleke nsu mphavelaka wira nwiirihe atthu ovaha ephoole wala wooniherya wira etthu eyo ti yoowoopiha aahiiso yooriipiha murima.

• Muyeviheke wala wunnuuha nsu. Vaareerelaka, muhaana oyeviha nsu okathi onilavula anyu itthu soohakalaliha wala okathi munilavula anyu munnuwelo wa etthu wala orakama wa mukwaha. Munnuuheke nsu wira mooniherye woona owereya wala oxanka.

• Waakuviha wala opurula. Mulavuleke moowaakuviha okathi onihimya anyu itthu soohakalaliha. Mpuruleke olavula okathi munttittimiherya anyu iponto suulupale.