YOOSOMA 13
Wiiwanyeiha Ovareleya Waya Muteko
Miruku 3:21
MALAKIHERYO: Mwaakhaliherye alipa-oowiriyana osuwela moota mwaha anyu anaakhaliherya aya mookumini mwaya ni nwooniherye moota woovarihela muteko ele aniixutta aya.
MOOTA WOOPAKA:
Nwuupuweleke alipa-oowiriyana. Muupuweleke otthuneya waya alipa-oowiriyana wiiwa mwaha anyu, ni nwehe iponto sikhanle oomukhaliherya khula mutthu.
Okathi wotheene onilavula anyu mwaha anyu, nwooniheryeke alipa-oowiriyna etthu yoopaka. Okhuma wanipacerya wa mwaha anyu, khula mutthu ohaana owehaka wira opakeliwe yena. Khula okathi munitthokiherya anyu eponto yuulupale, muhaana wooniherya moota woovarihela muteko. Mulavuleke ntoko munimuhimya mutthu mmosa.