NIKOHO 2
Munrowa omusuwela sai Muluku?
“Muhihiye olavula moolumo a nlamulo nla, ni musomeke vathi-vathi othana ni ohiyu, wiira mweetteleke oratteene itthu sootheene silempwale memmo. Mwiira siiso, munimweetta saana ni munookhalana ankhili”.
“Awo yaanaasomela atthu voowiiwanyeya eliivuru eyo, eyo piiyo, Nlamulo na Muluku eekeekhai, yaatthokiheryaka oratteene ni yaaleelaka ele yaataphulela aya. Siiso yaanaakhaliherya atthu awo wiiwexexa oratteene ele yaasommwa”.
“Oohakalala ti yoole ohineettela miruku sa atakhali, . . . , masi etthu enimusivela vanceene ti nlamulo na Yehova, owo onnisoma ni ephoole nlamulo na Muluku, othana ni ohiyu. . . . Itthu sootheene sinivara awe, sinoomweettelaka saana”.
“Filipe aahitthimakela ekaaro ele eemela vakhiviru vaya, onamwiiwa mulopwana ole osomaka voowiiwanyeya eliivuru ya profeta Yesaya. Nto aahimukoha wiira: ‘Kiireke munnisuwela tthiri etthu munisoma anyu?’ Owo aahaakhula oriki: ‘Kinrowa osuwela sai, ohikhanle mutthu onikitthokiherya?’”
“Tthiri, mikhalelo sa Muluku nihinwerya ahu woona, ninnisuwela naasomaka moota olumwenku opattuxiwe aya. Hiyo nnoowerya wiixutta moota Muluku ori awe, nitokosaka itthu opanke awe. Itthu iyo sinnooniherya owerya wawe ohinimala, ni wiira owo ti Muluku. Tivonto, ale ahinicalela itthu iyo, kharina mathowa a ohimukupali Muluku”.
“Muupuweleleke itthu iya, mukhaleleke nthiti seiyo, wiira atthu ootheene yooneke wiira munnirowa ohoolo”.
“Nto, nithokoreryaneke mukina ni mukhwaawe, wiira nitumereryaneke wooniherya ophenta ni miteko sooreera. Nihihiyeke othukumana”.
“Nto akhala mutthu ohirina ankhili, ohihiye onvekela Muluku, okhala wiira owo onnivaha ni murima wootheene, ohipwapwaka. Nave ononvaha mutthu owo ankhili”.