NIKOHO 6
Itthu xeeni Biibiliya aalavunle awe khalai ene omuhimyaka Mesiya?
EPROFESIA
“Vano nyuwo Betelehemu a wEfrata, . . . eriyari anyu onookhumelela ole onrowa olamulelaka wIsarayeli”.
WIIRANEYA WAYA
“Nuumala Yesu oyariwa oBethelehemu wa oYudeya, mahiku a mwene Herodi, yaahirwa asomi a itheneeri, akhumaka mpantta onikhuma nsuwa, khuphiya oYerusalemu”.
EPROFESIA
“Awo annikawana malaya aka, ni annaavererya esoorti ikuwo saka”.
WIIRANEYA WAYA
“Nuumala omukhomela Yesu vamwirini, atoropa ale yaahikawanya malaya awe a ota mipantta mixexe, . . . Masi nlaya nlo na muhina khinaattotthiwe, ohiya-vo naarootthaviwa okhuma osulu mpakha vathi. Nto, atoropa ale yaahihimeeryana wiira: ‘Nihikhere nlaya nna, masi naavererye esoorti wiira nimoone onrowa ohalana’”.
EPROFESIA
“Muluku onnikhapelela makhuva awe ootheene; khanivo ninteyale, nnakhala nimosa”.
WIIRANEYA WAYA
“Masi okathi yaaphiyale aya vaari Yesu, yaahoona wiira owo iira okhwiiye ene. Tivo, khiyaamuntakanse metto”.
EPROFESIA
“Owo oohommwa mwaha wa soottheka sahu”.
WIIRANEYA WAYA
“Vano, toropa mmosa aahimuhoma mpararini ni nivaka, niinaano-ru yaahikhuma ephome ni maasi”.
EPROFESIA
“Nto awo yaahikiliva esalaario aka, musurukhu 30 wa eparatha”.
WIIRANEYA WAYA
“Vano, mmosa a arummwa 12, yoowo aihaniwa Yuda Isikariyoti, aahirowa okumana ni makhulupale a anamukuttho, onahimya wiira: “Munrowa okivaha exeeni koovahereryani Yesu?” Awo yaahiiwanana onvaha musurukhu 30 wa eparatha”.