NIKOHO 7
Itthu xeeni Biibiliya aahimyale awe saarowa wiiraneya mahiku ala?
“Nloko ninrowa owana ni nloko nikina, elapo ni elapo ekina. . . . Itthu iya sinooniherya wiira iwo woopaceryani wa ohaawa”.
“Anookhumelela maprofeta manceene oowootha, yaawo anrowa waahapuxaka atthu anceene. Mwaha wa wuncerereya otakhala, ophenta wa anamunceene onoovukuwa”.
“Vano, mwaiwa vale silavuliwaka ikhotto mapuro oovirikana, muhituthuwe. Tthiri itthu iya sihaana okhumelela, masi khahiyo ti omala wa olumwenku”.
“Sinookhumelela itetere suulupale, nave-tho enoothowaka yoolya ni sinookhumelela ikwerere mapuro oovirikana. Sinookhumelela-tho wiirimu itthu soowoopiha ni ithoonyeryo suulupale”.
“Mahiku ookiserya, makhalelo anrowa okhala ooxankiha ni oowoopiha. Tthiri, atthu anrowa wiiphentaka mmansaya, anrowa ophentaka musurukhu, anrowa wiittottopaka, wiisoona, anrowa onveehaka Muluku, khanrowa owiiwelelaka apapaya ni amamaya, anrowa okhalaka oohixukhuru, oohiroromeleya, khanrowa waaphentaka akhwaaya, khanrowa ophavelaka wiiwanana, anrowa owootheryaka akhwaaya, khanrowa wiihiihaka, anrowa okhala oowali, anrowa onyokhaka itthu sooreera, anrowa owiirelaka itthu sootakhala akhwaaya, khanrowa ophavelaka wiiwa miruku, anrowa osareya wiixinnuwiha, anrowa ophentaka itthu sinaasivela, ohiya omphenta Muluku, anrowa okhalaka ntoko annimurumeela Muluku, masi ahiiraka siiso”.