NIKOHO 10
Etthu xeeni Biibiliya onileiherya awe ohoolo?
“Anaxariya animwaakhela elapo, nave anrowa okhalaka memmo voohimala”.
“Elapo enikhala mahiku ootheene.”
“Muluku onoomaliha okhwa, nave Pwiya Muulupalexa Yehova, onoopuputtha maithori a atthu ootheene”.
“Okathi owo, maitho a atthu ahinoona anoohuleya, nave maaru a atthu ahiniiwa, anootthukuwa. Okathi owo, atthu oorakala anrowa otuphaka ntoko etthove, nave atthu yahaalavula, anrowa okhuwela atthapaka. Maasi anoophattuwa moothakoni, nave miro sinoophattuwa moothakoni moowaataleya.”
“Muluku onoopuputtha maithori aya ootheene, khonrowa-tho okhala okhwa, nnakhala oriipiwa murima, wala wunla, hata woona owereya. Itthu sa khalai soovira.”
“Awo anrowa otekaka ipa saya, akhaleke memmo, nave anrowa waalaka miri saya sa ewuuva, alyeeke mihokorokho sene. Khanrowa otekaka ipa, masi sikhaliweke ni atthu akina, nnakhala khanrowa waalaka, masi elyiweke ni atthu akina, okhala wiira atthu aka anrowa okhalaka mahiku manceene ntoko mwiri. Nave, atthu aka kaathanlale aka, anoopuhaka muteko anrowa aya ovaraka ni matata aya.”