Oxukurya Onova Zelandia

Maapha a elapo anooniherya oNova Zelandia

IYAAKHA sowiiraka 800 sivinre, mahimo yaitthaniwa Maori yaaheetta ikilometuru sinceene aviraka mphareya mpakha ophiya oNova Zelandia. Nuumala ophiya, yaahiphwanya muttetthe woovirikana ni isisiro sooviha sa oPolinesia yaakhumme aya. ONova Zelandia, muttetthe wowaatta miyaako, egeelu, mapuro aniphattuwa maasi ooviha ni eneevi. Nuuvira iyaakha 500, yaahirwa akolono akina yaakhuma wEuropa. Olelo-va, anamunceene anikhala oNova Zelandia, anitthara soolema sa wInglaterra ni sa oPolinesia. Atthu anaattamela ipursento 90 anikhala mpooma. Epooma ya Wellington, ekapitaali yookiserya enikhala mpantta wa okuusini wa olumwenku.

Episina erina nttophe ninkaphula Esisiro ya Onikela Epheyo ya oNova Zelandia — Episina erina nttophe ninkaphula Esisiro ya Onikela Epheyo

Elapo ya oNova Zelandia yookhalana itthu sinceene sooreera; ti maana aya khula mwaakha atthu anivikana imilyau 3 annixukurya muttetthe ole.

Muthinto wa mwiri oniireliwa samambaia — Muthinto wa mwiri ola oniireliwa *samambaia* pooti ophiya imeeturu 10 orakama waya

A flightless takahe — Mpakha mwaakha wa 1948, atthu yuupuwela wira mwaapalame ohinvava oniireliwa *takahe*, aahimala-mala

Muttetthe wa oNova Zelandia sookhala inama sa mutakhwani soovirikana. Mwa ntakiheryo, elapo eyo yookhalana axipalame anceene ahinvava ovikana ilapo sikina. Nave-tho, ohaavo mwaamunama onlikana ni naawookho yoowo oniitthaniwa tuatara, oniwerya okhala iyaakha sinivikana 100! Inama sinaamwiha, ephattu aya ori oNova Zelandia siri vakhaani. Mwa ntakiheryo, onniphwanyaneya wilema ni inama sa mphareya, ntoko Baleia ni Golfinho.

Mwa iyaakha sowiiraka 120, anniphwanyaneya Anamoona a Yehova oNova Zelandia. Awo annimwiixuttiha Biibiliya arumeelaka mattaava 19, ohela muhina mattaava anilavuliwa oPolinesia, ntoko eNiweano, eRarotongano, eSamoano, ni eTongani.

Atthu a nihimo Maori yiipaka — Atthu a nihimo Maori yiinaka ni wiipa awanre ene ikuwo sa elapo aya