Ororomeleya Wahu wa Muluku
Ororomela wahu wa Muluku exeeni?
Esa 18:23-25; 26:1, 2; 101:2-7; 119:1-3, 80
Soowiiraneya sa mbiibiliyani sa efaita yinceene:
Ona 22:17-22 — Yehova aaphavela wiira enama yaarowa ovahiwa mukuttho yaahaana okhala “yohirakala”, nto eyo enooniherya wiira yaahaana okhala yooloka ni yoomalela. Nttaava na eheeberi nuulumo noowi “yoohirakala” pooti-tho otaphulela “yoomalela”, nto eyo enooniherya wiira ororomeleya wahu ohaana okhala woomalela aahiiso omukokhorela Yehova ni murima wootheene.
Yoob 1:1, 4, 5, 8; 2:3 — Ntakiheryo na Yoobi ninnooniherya wiira mutthu oororomeleya ohaana omuttittimiha vanceene Yehova, omukokhorela ni murima wootheene ni ohipaka itthu sootakhala.
Xeeni ninreerela ahu ohihiya ororomeleya?
Etthu xeeni enrowa onikhaliherya ohihiya ororomeleya?
Nave-tho munwehe Mir 27:11; 1 Yoh 5:3.
Ninrowa okhalana sai ni ohihiya ororomeleya?
Nave-tho munwehe Otu 5:29; Yes 48:17, 18.
Soowiiraneya sa mbiibiliyani sa efaita yinceene:
Yoob 31:1-11, 16-33 — Khula nihiku, Yoobi aanisuweliwa okhala mutthu oororomeleya, owo khaarupihana moohiloka ni okathi wootheene aanaareerela murima atthu akina. Owo khaakokhorela ilatarato, aamukokhorela Yehova paahi ni khaaphenta mihakhu.
Da 1:6-21 — Hata aakhala eriyari ya atthu yahaamukokhorela Yehova, Daniyeli ni apatthani awe araru khiyaahiyale ororomeleya okathi yaathanla aya itthu soolya.
Akhala wiira mutthu onimakela opaka itampi suulupale, niireke onoowerya otthikela okhala mutthu oororomeleya?
Soowiiraneya sa mbiibiliyani sa efaita yinceene:
1 Ma 9:2-5; Esa 78:70-72 — Okhala wiira mwene Davidi aahittharuwa ni murima wootheene, Yehova aahimulevelela ni animoona okhala mutthu ororomeleya.
Yes 1:11-18 — Yehova aahaapwapwela atthu awe, ohimyaka wiira yaari atthu owootha ni yaanipaka itampi suulupale; masi aahileiherya wiira yattharuwa ni murima wootheene ni ohiya opaka itthu soohiloka, Yehova aamwaalevelela.