Olevelela
Ninsuwela sai wiira Yehova onniphavela tthiri onilevelela?
Nave-tho munwehe 2 Pe 3:9.
Soowiiraneya sa mbiibiliyani sa efaita yinceene:
Esa 78:40, 41; 106:36-46 — Aisarayeli yaamakela omutthekela ni omuriipiha murima Yehova, masi okathi wootheene owo aanaalevelela.
Luk 15:11-32 — Yesu aahipaka nlikanyiho nnooniherya moota Yehova onnilevelela awe. Owo aahimulikanyiha Yehova ni paapa oomoriwa ikharari, yoowo aamulevelenle mwanawe aattharunwe ni murima wootheene nuumala opaka itthu sinceene soohiloka.
Etthu xeeni Yehova opanke awe wiira nileveleliwe itampi sahu?
Yoh 1:29; aEef 1:7; 1 Yoh 2:1, 2
Soowiiraneya sa mbiibiliyani sa efaita yinceene:
aHe 9:22-28 — Murummwa Paulo ohimmye wiira Yehova onoonilevelela itampi sahu orumeelaka mukuttho woowoopola wa Yesu.
Wiis 7:9, 10, 14, 15 — Murummwa Yohani aahoona “muttitthi muulupale” weemenle ene ni orina ene wataana wooloka ni Muluku mwaha wa ephome ya Kristu.
Naaphavelaka oleveleliwa ni Yehova, etthu xeeni nikhanle ahu oopaka okathi atthu akina annitthekela aya?
Mat 6:14, 15; Mar 11:25; Luk 17:3, 4; Yak 2:13
Soowiiraneya sa mbiibiliyani sa efaita yinceene:
Yoob 42:7-10 — Ohinatthi ompenuxa ni omureeliha Yoobi, Yehova aahinvekela wiira aavekelele apatthani awe araru yaamootherya.
Mat 18:21-35 — Nlikanyiho nla, Yesu aahooniherya wiira nihaana waalevelela atthu akina naaphavelaka oleveleliwa ni Yehova.
Xeeni vari aya vooloka ohimya itampi sahu ni ottharuwa?
Soowiiraneya sa mbiibiliyani sa efaita yinceene:
Esa 32:1-5; 51:3, 5, 18, 19 — Mwene Davidi aahiriipiwa murima ni oxanka mwaha wa itampi suulupale aapanke awe, masi owo aahittharuwa ni murima wootheene.
Yak 5:14-16 — Yakobo ohimmye wiira akhala wiira nnoopaka etampi yuulupale nihaana waaleela axitokweene.
Naaphavelaka oleveleliwa ni Yehova, marukunuxo xeeni ninreerela ahu opaka?
Mir 28:13; Yes 55:7; aEef 4:28
Soowiiraneya sa mbiibiliyani sa efaita yinceene:
1 Ma 21:27-29; 2 Wa 18:18-22, 33, 34; 19:1, 2 — Nuumala osuwela wiira aamuhukhummwa mwaha wa itampi sawe, mwene Akhabi aahiiyeviha, nto Yehova aahithanla ohimuhukhumu niinaano-ru. Masi okhala wiira Akhabi khoonihenrye wiira aahittharuwa ni murima wootheene, Yehova khaamulevelenle moomalela, maana Akhabi aahiiviwa.
2 Wa 33:1-16 — Nnaamwi mwene Manase aari mutthu ootakhala vanceene, okathi aattharunwe awe ni murima wootheene, Yehova aahimulevelela. Maana Manase aahooniherya wiira aahipaka marukunuxo vaavo aimananinhe awe omala-maliha okokhorela weethiru ni ottikiherya okokhorela wekeekhai.
Okathi mutthu onittharuwa awe ni oleveleliwa, niireke Yehova nlelo onnuupuwela itampi sa mutthu owo?
Esa 103:10-14; Yes 1:18; 38:17; Yer 31:34; Mik 7:19
Yoowiiraneya ya mbiibiliyani ya efaita yinceene:
2 Sa 12:13; 24:1; 1 Ma 9:4, 5 — Nnaamwi Davidi aapanke itampi suulupale, owo aahittharuwa ni murima wootheene, nto Yehova aahimulevelela. Muhoolo mwaya Yehova aahimuhimya Davidi okhala mulopwana oororomeleya.
Yesu oonihenrye sai wiira anitakiha olevelela wa Tiithi awe?
Soowiiraneya sa mbiibiliyani sa efaita yinceene:
Mat 26:36, 40, 41 — Okathi Yesu aaphavela awe vanceene okhaliheriwa, atthareli awe yaahirupa, hata vaari siiso, Yesu aahaareerela murima ni aahoona wiira khiyareere okhulumuwa.
Mat 26:69-75; Luk 24:33, 34; Mit 2:37-41 — Pedru aahimukhootta Yesu ikwaha tthaaru, masi Yesu aahimulevelela. Nto nuumala Yesu ohihimuxiwa owo aahirowa omuxukurya Pedru ni aahinvaha eparakha yuulupale ya okhaliherya ni olipiha muloko.
Ninsuwela sai wiira olevelela wa Yehova wookhalana mukano?
Mat 12:31; aHe 10:26, 27; 1 Yoh 5:16, 17
Soowiiraneya sa mbiibiliyani sa efaita yinceene:
Mat 23:29-33 — Yesu aahaaleela alipa-oolepa ni afarisi wiira yamphukeliwa ni oriheliwa oGehena, eyo piiyo, opwetexiwa ni ohikhalana nlipelelo na ohihimuxiwa.
Yoh 17:12; Mar 14:21 — Yesu aahimuhimya Yuda Isikaryoti okhala ole “onrowa opwetexiwa”, nave aahimmye wiira fataari ahaayariwe.