Olupatthiwa
Xeeni makristau eekeekhai anilipelela aya olupatthiwa?
Xeeni vanireerela aya onvekela Yehova wiira onikhaliherye okathi ninlupatthiwa ahu?
Esa 55:23; 2 aKo 12:9, 10; 2 Ti 4:16-18; aHe 13:6
Soowiiraneya sa mbiibiliyani sa efaita yinceene:
1 Ma 19:1-18 — Okathi aalupatthiwa awe, profeta Eliya aahimutthukulela murima awe Yehova, nto aahimaalihiwa ni olipihiwa.
Mit 7:9-15 — Yosefe aahilupatthiwa ni axinnawe, Yehova khaahiyale omuroromela, nave Yehova aahimoopola Yosefe ni aahimuruma owoopola amusi awe okathi wa etala.
Inamuna xeeni sikina sa olupatthiwa sikhanle?
Oveehiwa ni oramusiwa
2 Wa 36:16; Mat 5:11; Mit 19:9; 1 Pe 4:4
Soowiiraneya sa mbiibiliyani sa efaita yinceene:
2 Ma 18:17-35 — Rabisake, yoowo aari namitthaka a mwene a wAsiria aahinveha Yehova ni atthu awe yaakhala oYerusalemu.
Luk 22:63-65; 23:35-37 — Yesu aahiveehiwa ni oramusiwa okathi aavariwe awe ni okathi aakhomeliwe awe vamwirini va nihaaxeryo.
Olupatthiwa ni amusi
Otthukweliwa mukhatteya; ophukeliwa ni makhulupale a kuvernu
Omaniwa
Otupheliwa ni omaniwa ni muttitthi wa atthu
Wiiviwa
Makristau ekeekhai anikhalana moonelo xeeni okathi anlupatthiwa aya?
Mat 5:44; Mit 16:25; 1 aKo 4:12, 13; 1 Pe 2:23
Soowiiraneya sa mbiibiliyani sa efaita yinceene:
Mit 7:57–8:1 — Okathi aahaala awe vakhaani wiiviwa ni ekurupu ya atthu ootakhala murima, murummwa Siteefano aahinvekela Muluku wiira aamorele ikharari atthu ale yaamulupattha, omuhela muhina Saulo a oTarso.
Mit 16:22-34 — Hata aamaniwe ni aatthukiwe vathaapwani, murummwa Paulo aahimureerela murima kwarta a ekhatteya, nto eyo yaahimwiiriha kwarta a ekhatteya ni atthu ootheene a etthoko awe okhala makristau.
Okathi wa arummwa, etthu xeeni yaawiiranenle makristau makina?
Nooneleke sai okathi ninlupatthiwa ahu?
Nlipelelo nahu na muhoolo ninnikhaliherya sai okathi ninlupatthiwa ahu
Xeeni nihinreerela ahu wuuliwa muru, woova aahiiso okhulumuwa okathi ninlupatthiwa ahu? Xeeni nihinkhala-khala ahu nihiyaka omukokhorela Yehova mwaha wa olupatthiwa?
Esa 56:2-5; Mit 4:18-20; 2 Ti 1:8, 12
Soowiiraneya sa mbiibiliyani sa efaita yinceene:
2 Wa 32:1-22 — Okathi oopopihiwa awe ni anakhotto oowerya a mwene Senakeribi, mwene oororomeleya Ezekiya aahimuroromela Yehova ni aahaalipiha atthu ni aahitthuveliwa vanceene.
aHe 12:1-3 — Awanani a Yesu yaaphavela omuulihiha muru, masi owo kheemerenrye wuuliwa muru omwiirihaka okhulumuwa.
Itthu xeeni sooloka olupatthiwa okhanle aya ookumiherya?
Opixa wahu murima ni ovilela wahu onnimusivela Yehova ni onnivuwiha nsina nawe.
Soowiiraneya sa mbiibiliyani sa efaita yinceene:
Yoob 1:6-22; 2:1-10 — Yoobi khaasuwela wiira Satana taakumiherya mixankiho sawe, masi hata vaari siiso, owo khaahiyale omuroromela Yehova ooniheryaka wiira Satana nawoothe ni aahinvuwiha Muluku.
Dan 1:6, 7; 3:8-30 — Amiravo oororomeleya Ananiya, Misayeli ni Azariya (Xadraki, Mesaki ni Abedi-Nego), yaanoona okhala etthu yooloka wiiviwa mwa enamuna yoowuuliha muru ohiya omutthekela Yehova, nto eyo yaahimwiiriha mwene Nabukodonosori yoowo aakokhorela amuluku eethiru onvuwiha Yehova.
Olupatthiwa pooti onivaha eparakha ya waalaleerya atthu akina.
Soowiiraneya sa mbiibiliyani sa efaita yinceene:
Mit 11:19-21 — Makristau yaawo yaamwarenle ilapo sikina mwaha wa olupatthiwa khiyaahiyale olaleya ihapari sooreera ilapo iyo yaatthyawenle aya.
aFi 1:12, 13 — Murummwa Paulo aahihakalala vanceene osuwela wiira otthukweliwa wawe mukhatteya waahaakhaliherya atthu anceene wiiwa ni wiixutta ihapari sooreera.
Ovilela wahu onnilipiha waamini wa anna ni arokora.
Etthu xeeni anipaka aya ahooleli a itiini ni a epoliitika okathi makristau eekeekhai anilupatthiwa aya?
Yer 26:11; Mar 3:6; Yoh 11:47, 48, 53; Mit 25:1-3
Soowiiraneya sa mbiibiliyani sa efaita yinceene:
Mit 19:24-29 — Esidade ya wEefeso, alopwana yaapaka itemplo saamukhaani sa amuluku eethiru yoona wiira muhupi makristau yaalaleya aya waanimuhonona nakoso, nto yaahipacerya waalupattha vanceene makristau.
aGa 1:13, 14 — Ohinatthi okhala mukristau, Paulo (Saulo) aanilupattha vanceene muloko wa Muluku mwaha woowi aanikhalela nthiti etiini ya ayuda.