‘Mwaphenteke Anninyu [Otheene] Òwamini’

Masu ala oowuupuxeriwa a muru ola, alempwale khalai etthu yowiiraka iyaakha ikonto piili sivinre. (1 Ped. 2:17) Hata vari siiso, masu awo toovareleya muteko olelo-va! Nto ninrowa owerya sai waaphenta atthu anceene, eyo piiyo, axinnihu oowiiraana elapo yotheene? Ninrowa osuwela sai wira ophenta wahu khonivukuwa hata nikhalaka elapo ela atthu ahiniphentana aya? (Math. 24:12) Nuumala oweha eviidiyu Nossa Associação Inteira de Irmãos, moone mwaaweryaka waakhula makoho ala anittharelana:

(1) Silini nipacenrye ahu okhala emusi yowiiraana ya eKristau? (2) Miteko xeeni miraru ninvara ahu hoothe ni emusi ahu yowiiraana ya eKristau? (3) Moota xeeni annihu aniluttuweliwa aya olaleerya (a) elapo ya Alasca, (b) mwa iportu sinceene sa Europa, ni (c) mwa itakhwa suulupale sa oPerú? (4) Xeeni vahinitthuneya ahu wuupuwelaka wira olaleerya ori ntoko muteko mukina? (5) Muhimye matakiheryo anooniherya moota Anamoona a Yehova anikhaliherya naya (a) nuumala okhumelela etetere, (b) nuumala okhumelela munamukhaya, (c) ni okathi wa ekhotto? (6) Itthu xeeni ninrowa ahu ovara wira nooniherye ethoonyeryo yuulupale ya emusi ahu yowiiraana ya eKristau? (Yoh. 13:35) (7) Mareeliho xeeni nimphwanya ahu vaavo ninvara ahu vamosa muteko wooteka Isalau sa Omwene? (8) Moota xeeni annihu anikhala mpantta onikhuma nsuwa wa Europa ni oRusia yaavikaninhe aya wataana ni Muluku okathi muteko ahu woolaleerya waakhottihiwa aya? (9) Wiilipiherya xeeni vaalupale Anamoona anceene anipaka aya wira arowe okongresuni, ni mwaha wa xeeni? (10) Moota xeeni oweha eviidiyu ela olipinhe aya waamini wanyu (a) wira mmukokhorele Yehova omuthukumanoni wa eKristau hoothe ni anna, (b) waakhaliherya akina okathi wa mixankiho, ni (c) olaleerya moororomeleya khuta okathi ni vaavo vaniwerya anyu? (11) Moota xeeni ni silini nikhanle ahu oorumeela eviidiyu ela okathi woolaleerya?

Etthu yuulupale enniiriha wiirela mpantta emusi ahu yowiiraana ya eKristau, ori omphenta wahu Yehova. Nto hiyo onninsivela wiixutta voohimya sa owo ni waaxuttiha akina moolumo Awe. Nave, ninnaaphenta atthu Yehova onaaphenta awe. Vaavo nnaakhaliherya ahu anna okathi wa mixankiho, hiyo khaninlipelela wira Muluku onixukhuru. Masi, hiyo ninnimuxukhuru mwaha woowi emusi ahu yowiiraana ya eKristau, eri ntoko yoovaha ya faita enikhuma wa Muluku. Nto, vaavo mahiku ala ookiserya atthu ahiniphentana aya aniphiya aya wanikisa, nrowe nivikanihe waaphenta axinnihu oowiiraana elapo yotheene!