Malakiheryo a Moota Woomulompa Muluku Vatthokoni ni Yoosoma ya Omwaneene

Hiyo ninnimukokhorela Muluku ohiya paahi okathi wa mithukumano sa mmulokoni, asembeleya ni akonkresu, masi-tho ninnimulompa vatthokoni. Aakhala malakiheryo makina mukhanle anyu ootthara okathi woomulompa Muluku vatthokoni ni yoosoma anyu ya omwaneene.

• Mwiilokiheryeke muhinatthi orowela mithukumano sa mmulokoni. Nyuwo pooti wunsayari oratteene masipo, ni waakhaliherya atthu a etthoko anyu olokiherya ikomentaario saya.

• Musomeke yoowiiraneya ya mbiibiliyani. Nuumala-vo, muupuweleleke ele esomme anyu aahiiso mulepeke etthu mwiixuntte anyu.

• Muupuweleleke mavekelo ari mbiibiliyani, nuumala-vo nweheke moota akhanle aya oowookhaliheryani olokiherya mavekelo anyu.

• Nweheke eviidiyu ya mmutthenkesoni, moottharelana, mmananiheke wuupuwelela aahiiso mulepeke itthu mwiixuntte anyu voohimya sa mwaha owo.

• Muhaana wiilokiherya mwaarowaka muteko woolaleerya, woonasa wene murumeelaka itthu mulimalenle anyu.

• Nweheke soopattuxiwa ni muupuweleleke ele eniwiixuttihaayani voohimya sa Yehova.a