Moota Muteko wa Anamoona a Yehova Onikhaliheriwa Awe

Muteko onivariwa olumwenku wootheene wa Anamoona a Yehova, onikhaliheriwa ni misonkheryo soohikhanyereriwa.a Ipa sa Omwene, sookhala ikaaxa sa misonkheryo, nave inamuna sikina soosonkherya siniphwanyaneya mpantta oni donate.jw.org. Sookhala inamuna soovirikana sikhanle oorumeeliwa wira mutthu okhaliherye muteko onivariwa olumwenku wootheene, miteko sa mmulokoni aahiiso miteko soomiili.

Anamoona a Yehova khannivaha tiisimu. (2 aKorinto 9:7) Mithukumano sahu khasinliviwa etthu. Nave mutthu khoniliva etthu aaphavelaka opatisiwa, okathi wa masikho, okathi wa ekasamento, ni miteko sikina. Khanimphwanya musurukhu mwaha wootumiha iyoolya, aahiiso itthu sikina nnakhala khannaakhanyererya atthu ovaha misonkheryo saya. Nave khanilaleeiwa masina aatthu anivaha misonkheryo saya. (Matheyo 6:2-4) Nave-tho esaite ahu ni iliivuru sahu kasinilaleya myaha sa nakoso.

Okathi wa mithukumano, miloko sa Anamoona a Yehova sinnihimya musurukhu wootheene osonkheriwe khula mweeri. Nave musurukhu owo onnikontariwa khula mweeri wira asuwele vakhala wira onnirumeeliwa saana.—2 aKorinto 8:20, 21.

Inamuna Soosonkherya

• Ikaaxa sa misonkheryo: Nyuwo pooti osonkherya murumeelaka musurukhu aahiiso icheque, ikaaxa sa misonkheryo siri Empa ya Omwene, Ipa sa Asembeleya ni mapuro makina simpakiwa aya mithukumano sahu.

• Osonkherya onlaine: Ilapo sinceene, wookhala mpantta oni: “Fazer um donativo para as Testemunhas de Jeová” wira mutthu owerye osonkherya orumeelaka ikartau sa obanko, aahiiso otransferiri musurukhu orumeelaka ekartau ya obanko.b Anamoona a Yehova akina annithanla “osuka musurukhu” mweeri wootheene, wira awerye osonkherya arumeelaka inamuna iyo.—1 aKorinto 16:2.

  

• Ovaha misonkheryo mwa inamuna sikina: Wira mutthu owerye orumeela enamuna ela ya osonkherya, owo ohaana ompaka palano vahinatthi vakhala wira nlamulo na elapo awe ninneemererya. Nave munoowerya ottottela mureerelo inamuna iyo sikina vakhala wira munoosuwela itthu sootheene sinihela muhina. Atthu anceene aattottela mureerelo nuumala osuwela saana moota woovaha misonkheryo saya aahiiso mireerelo saya hata ahinatthi okhwa. Nyuwo pooti okoha aahiiso olikarela oskritoorio ya ofiliyaali ya Anamoona a Yehova a oMoçambique, mwaaphavelaka ovaha misonkheryo sanyu murumeelaka inamuna sinittharelana:

  • ekontha ya obanko

  • ovaha mmurumeelaka seguro

  • ovaha enupa wala opuro

  • ovaha mireerelo sikina

  • ompaka testamento

Mwaaphavelaka osuwela itthu sinceene sa moota woorumeela inamuna sikina sa osonkherya, nwehe opuro oni: “Fazer um donativo para as Testemunhas de Jeová”.