OYSHA 6
Geeshsha Maxaafay Masiyabaa kasetidi ay yootidee?
HIRAAGAA
“Nenoo Efiraata Beetaliheemee, . . .
Israaꞌeelan haaranaagee taayyo neeppe kiyana.”
Mikiyasa 5:2
POLUWA
“Yesuusi Yihudaa Beeteliheemen yeletti simmin, Kawuwa Heeroodisa wode, maliya asati Arshsho baggappe Yerusalaame yiidosona.”
HIRAAGAA
“Taani bollaara maayido maayuwa shaakki ekkoosona; garssaara maayido maayuwan saamaa yeggoosona.”
Mazamure 22:18
POLUWA
“Wotaaddarati Yesuusa mittan kaqqidi, I bollaara maayido maayuwa oyddawu [shaakkidosona] . . . Shin garssa maayoy huuphessaappe tohossaa gakkanawu sihoy baynnan dadettida maayo. Hegaa gishshawu, eti issoy issuwawu hagaadan giidosona: ‘Hagaa daakkokko, shin oossa gidanaakko shaakkanawu saamaa yeggana.’”
HIRAAGAA
“I A meqettaa ubbaa naagees; etappe issoynne meqqibeenna.”
Mazamure 34:20
POLUWA
“Eti Yesuusakko gakkidi, I hayqqidoogaa beꞌido gishshawu, A gediya menttibookkona.”
HIRAAGAA
“I nu mooruwa gishshawu cadettiis.”
Isiyasa 53:5
POLUWA
“Wotaaddaratuppe issoy Yesuusa miyyiya tooran caddin, sohuwara suuttaynne haattay goggiis.”
HIRAAGAA
“Eti taayyo 30 shekile biraa damoozaa immidosona.”
Zakkaariyasa 11:12, 13
POLUWA
“Hegaappe simmin, Asqqorootu Yihudaa giyo, kiitettida tammanne naaꞌꞌatuppe issoy waanna kahinetukko biidi, hagaadan giis: ‘Taani A intteyyo aatta immana, shin intte tawu ay immanee?’ Yaagin, eti 30 bira santtimeta awu immanawu qaalaa gelidosona.”