OYSHA 10
Geeshsha Maxaafay sinttappe aybi hanana gii?
“Xilloti biittaa laattana, qassi yan merinawu deꞌana.”
Mazamure 37:29
“Biittay merinawu eqqidi deꞌees.”
Shiishshiyagaa 1:4
“Hayquwa I merinawu mittana, qassi Ubbaa Haariya Goday Yihoowi somꞌꞌo ubbaappe afuttaa quccana.”
Isiyasa 25:8
“He wode qooqetu ayfee dooyettana, qassi tulletu hayttay siyana. He wode wobbeti genessadan guppana, qassi duudeti ufayttidi ililana. Ayssi giikko, bazzon haattay, qassi battaaliyan pulttoti xuuqqana.”
Isiyasa 35:5, 6
“I eta ayfiyappe afutta ubbaa quccana, qassi hagaappe guyyiyan, hayqoy woy kayyoy woy zilaassay woy seelay deꞌenna. Kasebati kichchidosona.”
“Eti keettata keexxananne he keettatun deꞌana, qassi eti woyne gadiyan woyniya tokkananne ayfiya maana. Eti hara asi deꞌanaadan keexxokkona, woy harati maana mala tokkokkona. Ayssi giikko, ta asaa baree mittaa bariya mala gidana, qassi taani dooridoogeeti bantta kushiyan oottiyoban wurssidi ufayttana.”
Isiyasa 65:21, 22