Geeshsha Maxaafan Deꞌiya Waanna Qofaa

1 Yihooway Addaamanne Hewaano gannatiyan merinau deꞌanaadan medhiis. Seexaanay Xoossaa sunttaa mooriis; qassi I haariyo maataa bolli oyshaa denttiis. Addaameenne Hewaana Seexaanaara issippe makkalidosona; hegee eta bollinne eta zerettaa bolli nagaraanne hayquwaa kaalettiis

2 Yihooway makkalanchatu bolli pirddiis; qassi Seexaanaa xayssidi, makkalaynne nagaray kaalettidobaa ubbaa giigissiya Ashshiyaagaa woykko Zerettaa denttanau qaalaa geliis

32 Yihooway Abrahaameenne Daawiti Zerettaa woykko Merinau haarana Kawuwaa, Masiyaa mayzza aawata gidanaagaa qaalaa geliis

4 Yihooway Masee nagaraanne hayquwaa xayssanaagaa hananabaa yootiyaageeti kasetidi odanaadan ba ayyaanan denttettiis. I olaa, harggiyaanne hayquwaakka xayssiya Xoossaa Kawotettan banaara haariyaageetuura Kawo gidana

5 Yihooway ba Naꞌaa saꞌaa kiittiis; qassi Yesuusi Mase gidiyoogaa qonccissiis. Yesuusi Xoossaa Kawotettaabaa sabbakiis; qassi ba shemppuwaa yarshsho oottidi immiis. Hegaappe simmin, Yihooway a ayyaana mereta oottidi denttiis

6 Yihooway ba Naꞌaa saluwan Kawo oottiis; hegee ha siraataa wurssetta gallassaa doomettau malaata. Yesuusi saꞌan deꞌiya bana kaalliyaageeti saꞌa ubban Xoossaa Kawotettaa sabbakiyoode kaalettees

7 Yihooway ba Naꞌay Kawotettaa haaruwaa saꞌaa ehaanaadan azazees. He Kawotettay iita kawotettata ubbaa xayssees, saꞌaa gannate kesseesinne azazettiya asaa naati polo gidanaadan oottees. Yihooway haarana bessiyoogee qonccees; qassi a sunttay merinau geeyees