Bala Timirttiyaa 1: Shemppoy Hayqqenna

Ha bala timirttiyau denddoy aybee? “Beni wode deꞌida Kiristtaane palasppati, shemppoy hayqqenna giyonne yeloy uluwan tilettiyo wode Xoossay shemppuwaa medhidi a giddo gelissees giyo Giriiketu qofaa ammani ekkidosona.”—Ze Niwu Inssaykilopidiya Biritanika (1988), Vooliyum 11, sinttaa 25.

Geeshsha Maxaafay woygii? “Nagaraa oottiya shemppoi i bau haiqqana.”—Hizqqeela 18:4.

Koyro merettida asa shemppuwaa xeelliyaagan, Geeshsha Maxaafay: “GODAI Xoossai biittaa baanaappe issi asa medhdhiis; medhdhidi a siiriyan de7o shemppuwaa shemppi gelissiis; yaatin bitanee paxa de7iya asa woykko shemppo [Ibraawettuwan, nefesh] gidiis” yaagees.—Doomettaabaa 2:7.

“SHemppo” geetettidi birshshettida nefesh giya Ibraawetto qaalay, ‘shemppiya mereta’ giyoogaa. Xoossay koyro bitaniyaa Addaama medhido wode, hayqqenna shemppuwaa a giddon gelissibeenna; shin shemppiyoogan deꞌanaadan oottiya deꞌo wolqqaa immiis. Yaatiyo gishshau, Geeshsha Maxaafay “shemppo” giyoobay deꞌon deꞌiya meretaa malaatees. Xoossay koyro immido deꞌo wolqqay baynnaba gidikko, shemppoy hayqqees.—Doomettaabaa 3:19; Hizqqeela 18:20.

SHemppoy hayqqenna giyo timirttee: Asi hayqqiyo wode shemppoy awa bii? Iita asatu shemppoy waanii? yaagiya oyshata denttees. Kiristtaane giyoogeeti shemppoy hayqqenna giya timirttiyaa ammanidoogee, eti hara bala timirttiyaa, giishin siꞌooliyaa tamaa timirttiyaa ammananaadan oottiis.

Kaallidi deꞌiya Geeshsha Maxaafaa xiqiseta beꞌa: Eranchchaa 3:19; Maatiyoosa 10:28; Oosuwaa 3:23

TUMAA:

Hayqqida asi deꞌon deꞌenna