Bala Timirttiyaa 6: Goynuwan Misiliyaa Goꞌettiyoogee Xoossaa Ufayssiyaaba
Ha bala timirttiyau denddoy aybee? “Misilee beni Kiristtaanetu goynuwan erettiyaaba gidenna. . . . Woosa keettay 4ttanne 5tta xeetu layttan misiliyaa goꞌettiyoogaa doommidoogau gaaso geetettiyaabay, tamaaribeenna asay sibkatiyan tamaariyoogaappenne maxaafaappe tamaariyoogaappe misiliyaa goꞌettiyoogan Kiristtaane timirttiyaa loytti tamaarana danddayees giyo qofaa.”—Saykiloppidiya of Bayblikal, Tiꞌolojikal, end Eklesiyasttikal Litirecher, Makilintokinne Isttirongi xaafidoogaa, Vooliyum 4, sinttaa 503nne 504.
Geeshsha Maxaafay woygii? “Bolla saluwan de7iyaabaa, woikko garssa sa7an de7iyaabaa, woikko sa7aappe garssan haatta giddon de7iyaabaa aibanne malatissada neeyyo goinniyo misileta kessoppa. Etayyo hokkoppa woikko etayyo goinnoppa.” (Kessaabaa 20:4, 5) Kiitettida Yohaannisi koyro xeetu layttan deꞌida Kiristtaanetuyyo: “Ta naatoo, eeqatuppe intte huuphiyaa naagite” yaagidi xaafiis.—1 Yohaannisa 5:21.
Woosa keettati giyoogaadan, misileti eti kalꞌꞌatiyoobaakko shiiqanaunne a bonchanau goꞌettiyooba xallee? Ze Inssaykilopidiya of Rilijin giyo maxaafay: “Misileti koyro heeran tamaarissanaunne alleeqoossi goꞌettidoba gidana danddayoosona; haray attikko eta goꞌettanau gaaso giyoobi hegaa gidana danddayees. SHin eti sohuwaara goynuwau goꞌettiyooba gididosona gaana danddayettees. Arshsho Orttodokisiyan keehippe erettida misiletu hanotay hegaa bessees” yaagees. SHin hananabaa yootiya Isiyaasi: “Xoossaa intte oonaara milatissuuteetii? Woikko aibiira likkissi xeelluuteetii?” yaagidi oychidoogee bessiyaaba.—Isiyaasa 40:18.
[Picture on page 9]
BALA TIMIRTTIYAA AGGADA TUMAA MINTTA OYQQA
Daro woosa keettatun tamaarissiyo bala timirtteta qanttan beꞌidoogaappe ay kuuyana danddayiyoo? Minttettiya Geeshsha Maxaafaa tumay ha “medhdhi ekkido haisiyan [Giriikettuwan, mitos]” xoonettana danddayenna.—2 PHeexiroosa 1:16.
Yaatiyo gishshau, ne qofaa aassada, tumaa pultto gidida Xoossaa Qaalaara neeni tamaaridobaa gatta xeellanau mammottoppa. (Yohaannisa 17:17) Yaatiyaaba gidikko: “Intte tumatettaakka erana; qassi tumatettai inttena ailletettaappe kessana” yaagiya qaalay tuma gidiyoogaa neeni akeekana.—Yohaannisa 8:32.
Kaallidi deꞌiya Geeshsha Maxaafaa xiqiseta beꞌa: Isiyaasa 44:13-19; Oosuwaa 10:25, 26; 17:29; 2 Qoronttoosa 5:7
TUMAA:
Goynuwan misiliyaa goꞌettiyoogee Xoossaa ufayssenna
[Sinttaa 9n deꞌiya Misilee Ekettidosaa]
Pictorial Archive (Near Eastern History) Est.