Haggaazuwan Oosettidabaappe Ayfettiyaabata

Ooratta haggaazo layttay 8,623 aassiyaageeti irpportte oottidoogaaninne aadhida laytta ammaakaayiyaappe 1% dichaa bessiyoogan doommiis. Hegeetuppe 5,000 gidiyaageeti Addisaaban haggaaziyaageeta. Nu biittan kumettan haꞌꞌi issi aassiyaagau 8,649 asay gakkiyaagaa gidishin, Addisaabappe karen issi aassiyaagau 20,000 heera asay gakkees. Kaseegaappe dicciiddi deꞌiyoogee qoncce gidikkonne, hanno gakkanau mishiraachuwaa siyibeenna miilooniyan qoodettiyaageeta maaddiyo ogiyaa koyiyoogaa aggana koshshenna. Masqqala aginay loꞌꞌiya shoobe woraqataa goꞌettidi koshshay deꞌiyo asaa awuraajjaa shiiquwau shoobbiyoogaa doommido agina gidishin, keehi ufayssiya zaaruwaa demmida.