Haggaazuwan Oosettidabaappe Ayfettiyaabata
Ichashiyaa aginan heezzantto dumma zamachaa doommida. Hanno gakkanau ichashu kare biittatuppe 28 imattati yiidosona; qassi nu biittaappe 400 gidiya ishati zamachau biyoosaa eridosona. Kase layttatuugaadan, zamachaappe simmidaageeti koshshay deꞌiyo asaa demmidoogan keehippe ufayttidosona.
Irpportte oottida aassiyaageetu qooday 8,652 gidishin, Naasiyan gakkido xoqqa qoodaappe guuttaa guuxxees. Amaakaye saatee 13.1nne xinaateti 0.3 gidiyoogee irpportte oosettiis. Yihooway 6,262 xinaateta anjjanaadan woossoos; qassi Godaa Kahuwaa Bonchiyo wode etappe aassiyoogaa doommiyaageeti deꞌanaagaa ammanettoos. Nuuni asay xinaatiyaa doommanaadan shoobbanau tishsha gidiyo wode, Tumaa Eranau giya trakttiyaanne Geeshsha Maxaafay Tamaarissiyoy giya maxaafaa loytti goꞌettiyo wode, daro asay Yihoowayyo dabbo gidanaadan maaddanaagaa ammanettoos.