Haggaazuwan Oosettidabaappe Ayfettiyaabata
Ha layttau ooratta xoqqa qooda gidida, 8,692 aassiyaageetu qoodaa gakkidoogan keehi ufayttida! Usuppunee guutta gallassay deꞌiyo agina gidikkonne, aassiyaageetinne kaafiya aqinyeti banttau danddayettiya ubbabaa oottidosona. Daroti Dumma Haggaazo Zamachan shaahettidaageeta gidishin, ufayssiya daro temokruwaa demmidosona. Issi issi ishati banttana naagiya woy ubba eti biyoosaa kaalliyaanne Xoossay nuussi halchidobaa xeelliyaagan gujjidi tamaaranau eta woossiya cora asaa demmidosona! Guutta aginau dumma aqinye gidida naaꞌꞌu ishati ubba ishatamaappe dariya xinaateta kaalettiiddi deꞌoosona! Geeshsha Maxaafaa xinaatetu qooday ichashiyaagaappe 200ppe aadhiyaagee gujjidoogaa beꞌiyoogeekka keehi ufayssees. Koshshay deꞌiyo ubbaa demmido injje ubban Geeshsha Maxaafaa xannaꞌissiyoogaa doomissanau ubbatoo tishsha gidoos!