Tiꞌokiraase Haggaazo Timirtte Keettaa Zaaretuwaa
Kaallidi deꞌiya oyshati Naase 30, 2010n doommiya saaminttan Tiꞌokiraase Haggaazo Timirtte Keettaa wode zaarettiyoogeeta. Isiine 5ppe Naase 30 gakkanau deꞌiya saaminttatun shiiqida timirttetun baasettida 20-daqiiqa zaaretuwaa timirtte keettaa bollaara xeelliyaagee shiishshees.
1. Beeta maqidasee anjjettiyo wode Solomoni woossido woosaa wotti denttidi qoppiyoogee, Yihoowa eeshshaa nuuni kaseegaappe aaruwan nashshanaadan oottiyoy ayba ogiyaanee? (1 Kaw. 8:22-53) [w05 7/1 sinttaa 30 mentto 3; it-2 sinttaa 989 mentto 4]
2. Daawiti daro mooruwaa oottidaba gidikkokka, i Yihoowa sinttan ‘boree baynnan suuretettan hemettiis’ gaana danddayiyoy aybissee? (1 Kaw. 9:4) [w97 5/1 sinttaa 5 mentto 1-2]
3. Solomona xeelliyaagan Saaba kawiyaa: “Ubba wode ne sinttan eqqidi, ne aadhdhida eratettaa siyiya ne asatinne ne oosanchchati aiba ufaittiyoonaashsha!” yaagidoy aybissee? (1 Kaw. 10:4-8) [w99 11/1 sinttaa 20 mentto 5-7]
4. Abiiyi loꞌꞌo hanotan moogettana mala Yihooway yootidobaappe ay kuuyana danddayiyoo? (1 Kaw. 14:13) [cl sinttaa 244 mentto 11]
5. Eelaasi Akaabakko koyro biidoy keehippe koshshiya wodiyaana gididoy aybissee? (1 Kaw. 17:1) [w08 4/1 sinttaa 19, saaxiniyaa]
6. Eelaasi ‘naaꞌꞌu qofan biyoogaa’ giidoy ay gaana koyido gishshataassee? (1 Kaw. 18:21) [w08 1/1 sinttaa 19 mentto 3-4]
7. Eelaasa hanotan qonccidaagaadan, baassi oottiyaageetuura gayttidaagan Yihooway ba wolqqaa ayba halchuwau goꞌettii? (1 Kaw. 19:1-12) [cl sinttaa 42-43 mentto 15-16]
8. Naabutee ba woyniyaa turaa sohuwaa Akaabayyo bayzzanau koyibeennay aybissee, he hanotaappe nuuni ay tamaariyoo? (1 Kaw. 21:3) [w97 8/1 sinttaa 13 mentto 18-20]
9. SHuneema biittaa maccaasiyaa ‘Elssaaꞌa gishshaa metootidoy’ ayba ogiyaanee? (2 Kaw. 4:13) [w97 10/1 sinttaa 30 mentto 6-8]
10. Elassaaꞌi Naaꞌimaana imotaa ekkibeennay aybissee? (2 Kaw. 5:15, 16) [w05 8/1 sinttaa 9 mentto 2]