Erissuwaa

◼ Asau immiyo xuufiyaa: Laappuniyan: Tumuppe Geeshsha Maxaafay Tamaarissiyoy Aybee? Hosppuniyaaninne Uddufuniyan: Maxeeteta; Tammiyan: Tumuppe Geeshsha Maxaafay Tamaarissiyoy Aybee?

◼ Nu moottan oottiya CHayna biittaa asaa qooday gujjiiddi deꞌiyo gishshau, kaseegaappe aaruwan eta maaddana koshshees. Hegaa gishshau, amarida trakttetanne issi issi xuufeta nu xuufe kifiliyaappe ekkanau azazana danddayeeta. Hagaappe kaallidi deꞌiya traktteti nu xuufe kifiliyan deꞌoosona: T-23 (Yihoowa), T-26 (Geeshsha Maxaafaa Era), T-27 (Tuggaa), T-75 (Tuggay Xayanee, Budizime haymaanootiyaa kaalliyaageetussi). Hagaappe kaallidi deꞌiya heezzu brooshureti CHayna qaalaa haasayiyaageetussi giigidosona: Ufayssiya Deꞌuwaa—Hegaa Demmana Danddayiyo Ogiyaa (la), Merinaa Sarotettaanne Ufayssaa—Hegaa Waatidi Demmana Danddayiyoo? (pc, Budizime haymaanootiyaa kaalliyaageetussi), Sarotettaanne Ufayssaa Demissiya Ogiyaa (ph, Budizime haymaanootiyaa kaalliyaageetussi).

◼ CHayna biittaa qaalaa haasayiya urau markkattiyo wode, i awugaa nabbabanau koyiyaakko eranau, Ubba Biittan Deꞌiya Asau Haniya Mishiraachuwaa giya bukleetiyan Chinese (Traditional) (CH) nne Chinese (Simplified) (CHS) giyaagee deꞌiyo sohuwaa bessa. Xaaxi waaxidi xeelliyo wode, Hong Kongeppe woy Taywaaneppe yiida asay Chinese (Traditional) (CH) giyo qaalan giigida xuufiyaa nabbabiyoogaa dosees; shin CHaynappe yiida asay Chinese (Simplified) (CHS) giyo qaalan giigida xuufiyaa nabbabiyoogaa dosees. Biiduwan woy cenggurssa xallan giigida xuufiyaa xeelliyaagan keettaaway loytti eriyoonne geeshshi haasayiyo qaalay awugaakko akeeka. Xaaxi waaxi xeelliyo wode, CHaynappenne Taywaaneppe yiida asay Chinese (Mandarin) (CHM) giyo qaalaa erees; qassi Hong Kongeppe yiida asay Chinese (Cantonese) (CHC) giyo qaalaa erees.

◼ Intte CHayna biittaa asaara gayttiyaaba woykko eta adrashaa eriyaaba gidikko, kaallidi maaddanau hanotaa injjeyana mala, hegaa macara biiruwau kiittanaadan minttettoos. Hegaadan oottanau Hayyanintta Kaallidi Maaddite giya qitsiyaa (S-43) goꞌettiyoogee loꞌꞌo. Koshshiyaaba gidikko, intte gubaaꞌiyaa xaafee inttena maaddana danddayees.

◼ Yihoowa Markkata—Yihoowa SHeniyaa Oottanau Giigidaageeta yaagiya biiduwaa Naase aginan Hagaazo SHiiquwan tobbana. Koshshiyaaba gidikko, gamꞌꞌennan gubaaꞌiyaa baggaara he biiduwaa oychana danddayeeta.