Haggaazuwan Oosettidabaappe Ayfettiyaabata

Ichashiyaa aginay, oyddantto dumma haggaazo zamachaa doommido koyro agina gidishin, kaseegaappe gujjidi oottidoogan Geeshsha Maxaafaa xinaatetu ooratta xoqqa qooday 7,099 gidiis. Asaa deꞌuwaa ashshiyooba gidiyo gishshau, gujjidi Geeshsha Maxaafaa xinaatiyaa demmanau baaxetiyoogaa aggokko. Awusttiraaliyaanne Huuphessa Amarkkaa gujjin, haaho biittan deꞌiya 48 ishatinne michoti hosppun biittaappe, horophilliyau qanxxiyo miishshay daro gidikkokka, sabbakiyo oosuwan yiidi nuna maaddanau qitsiyaa kunttidoogaa beꞌiyoogan keehi ufayttida. Nu biittan deꞌiya daro aqinyetinne aassiyaageeti guutta wodiyau ‘Maqidooniyaa pinnidi’ etaara issippe oottiyoogan keehippe ufayttidosona. (Oos. 16:9) Hegaa mala sohuwaa biidi adussa wodiyaa takkanau qoppeetii?