Haggaazuwan Oosettidabaappe Ayfettiyaabata

Hosppuniyaa aginay, saluwan deꞌiya nu siiqo Aawau kaseegaappe aaruwan oottido ufayssiya agina! He aginay daroti woradaanne dumma shiiquwaa gallassaa shiiqido agina gidikkokka, muleera 61%ppe dariyaageeti aqinye gididi haggaazidosona. Hegeetuppe kaafiya aqinyeti 3,900 gidishin, hegee kase xoqqa qoodaappe naaꞌꞌu kusheppe darees. Daroti kaafiya aqinye gidiyoogaa doommidoy he aginaana gidiyo gishshau ufayttidosona; harati qassi kaafiya aqinye gidoosappe daro wodee aadhidoogeeta. Irpporttiyaa immidaageeti 9,128 gidiyo gishshau, hegee aassiyaageetu ooratta xoqqa qooda; haggaazido saatiyaa, asau immido maxeetiyaanne zaaretti oychidoogaa qoodaykka awude wodiyaagaappekka darees. Hegaa gishshau, hegee keehi daro asau tumay odettidoogaa bessees; koshshaa bessida darota ‘haattaa ushshana’ bessees.