Haggaazuwan Oosettidabaappe Ayfettiyaabata

Dumma zamachaa wurssido Laappuniyan awudeegaappenne aadhiyaabay oosettiis; usuppunban ooratta xoqqa qoodaa gakkida. Kaafiya aqinye gididi haggaazidaageetu qooday 3,390, aqinyetu ooratta xoqqa qooday 1,654. Kumetta wodiyaa haggaazidaageeti aassiyaageetu ubbaappe 57%; aassiyaageetu qooday muleera 9,406 gidiis. Qassi saatee zillaytta Hosppuniyaa xoqqa qoodaappe 3% darees. Intte minnidi oottido gishshau galatoos. Asau immido maxeetetu qoodaykka kaseegaappe daro. Hegee Usuppuniyaa aginaagaappe 11% darees. Aassiyaageetuppe daroti ogiyan biishin asay maxeetiyaa immanaadan banttana oychiyoogaa yootoosona. Ha hanotaynne 130,000ppe darota zaarettidi oychidoogee, qassi 7,800ppe dariyaageeta Geeshsha Maxaafaa xannaꞌissiyoogee daro asay ‘mishiraachuwaa’ siyanau koyiyoogaanne dorssa mala asata maaddanaadan nuuyyo imettida maataa hassayissees.