Eesuwan Baana Koshshiyoy Aybissee?

Nuuni haggaazuwaa kiyanawu shiiqiyo wode, nu ishanttuura haasayanawu koyiyoogee wottin deꞌiyaaba. SHin, shiiqoy wuri simmin, haggaazo moottawu eesuwan baanawu nuuni baaxetana koshshees. Sabbakiyo oosoy eesuwan oosettana koshshiyaaba. (2 Xim. 4:2) Nuuni beennan takkikko, haggaaziyo wodee guutta. Nuuni haggaaziyo wode nunaara haggaaziyaageetuura minttettiyaabaa haasayanawu keehi daro injje wodee deꞌees. Nuuni Yihoowayyoonne a Naꞌaayyo haggaaziyaageeta gidiyo gishshawu, takkennan eesuwan haggaazanawu biyoogee mino gidiyoogaa bessees.—Roo. 12:11.