Haggaazuwan Oosettidabaappe Ayfettiyaabaa

Laappuniyaa aginay, nu biittan deꞌiya oorattanne darotoo oosetti erenna haggaazo moottan haggaazido heezzu aginaa dumma zamachay kuuyettido wode. He zamachaa biida ishatunne michotu qooday muleera 376; hegeetuppe 15ti kare biittaappe yiidaageeta. Oosettida haggaazo moottati muleera 139; hegeetuppe 23ti ooratta moottata. He zamachay he moottatun deꞌiya asatuyyo loytti markkattanawunne daro ishati mishetti haggaazana koshshiyoogaa akeekanaadan maaddiis; qassi daro asay Geeshsha Maxaafaa nunaara xannaꞌiyoogaa doommanaadan oottiis. Zamachaa biidaageeti yaa biidi haggaazido gishshawu eti keehi ufayttidoogaa yootidosona. Ayyaanaabaa cahaa oosuwaa Yihooway “eesuwan” ootissiiddi deꞌiyo gishshawu, nuuni nu dosan oottiyo darobay deꞌiyoogee qoncce.—Isi. 60:22.