Xoossaa Qaalay Galla Galla Nena Kaalettanaadan Oottay?

Geeshsha Maxaafaa Galla galla nabbabiyoogee ‘xaphuwaa yeddidinne ammanuwan minnidi’ deꞌanaadan maaddees. (Qol. 2:6, 7) Gidikkokka, Yihoowa Qaalay galla galla nuna kaalettanaadan nuuni an deꞌiya maaraa wotti dentti qoppananne oosuwan peeshshana koshshees. (Ibr. 4:12; Yaaq. 1:22-25) Yaasa 1:8y Geeshsha Maxaafaa nabbabidi loytti goꞌettanawu oottana bessiya heezzubaa yootees: (1) Xoossaa Qaalaa “gallassinne qammi” nabbaba. (2) “A qoppa [“saasukkada nabbaba,” NW]”; woy issi taarikee xaafettido wodiyaabaanne hanotaabaa akeekanawu danddayissiya ogiyan, eesotennan nabbaba. (3) “An xaafettidabaa ubbaa” minttada naaga. Ha qofata oosuwan peeshshiyoogee, galla galla nu deꞌoy ‘injjetanaadaaninne giiganaadan’ maaddees.